7 شىلدە كۇنى "قاراعاندى-تەمىرتاۋ" اۆتوجولىندا تسەمەنت تاسيتىن كولىك اۋدارىلدى. بۇل تۋرالى Instagram-داعى patriotkaragandy پاراقشاسىندا وقيعانىڭ سالدارى تۇسىرىلگەن ۆيدەو جاريالاندى، دەپ حابارلايدى “ادىرنا” ۇلتتىق پورتالى.
"بۇگىن قاراعاندى-سورتيروۆكا" تاسجولىندا بولعا جول-كولىك وقيعاسىنىڭ ورنىندا تۇسىرىلگەن ۆيدەو. تسەمەنت تاسۋشى كولىكتىڭ جۇرگىزۋشىسى بۇرىلىستا تىزگىنگە يە بولا الماي قالىپ، جول شەتىنە شىعىپ كەتكەن", - دەلىنگەن ۆيدەو سيپاتتاماسىندا.
قاراعاندى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى وكىلدەرى جول-كولىك وقيعاسى تۋرالى تۇسىنىكتەمە بەردى. پوليتسەيلەردىڭ مالىمەتىنشە، اپات 7 شىلدەدە، جەكسەنبىدە ساعات 08:58-دە "قاراعاندى-تەمىرتاۋ" اۆتوجولىندا بولعان.
"Liangshan Dongyue كولىگىنىڭ 38 جاستاعى جۇرگىزۋشىسى، الدىن الا مالىمەتتەر بويىنشا، دەنساۋلىعىنىڭ ناشارلاۋىنا بايلانىستى تىزگىنگە يە بولا الماي، اۋدارىلعان. جول-كولىك وقيعاسى سالدارىنان جۇرگىزۋشى العان جاراقاتتارىنان قازا بولدى", - دەپ ءتۇسىندىردى پوليتسياداعىلار.
ءتيىستى ساراپتامالار تاعايىندالدى، ولاردىڭ ناتيجەسى بويىنشا پروتسەستىك شەشىم قابىلدانادى.
ۇقساس جاڭالىقتار
