بۇگىن استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىندا قايرات نۇرتاستىڭ ءىسى قارالدى. سوت وتىرىسى بارىسىندا جابىرلەنۋشى انشىگە شاعىمى جوق ەكەنىن ايتتى، دەپ حابارلايدى “ادىرنا” ۇلتتىق پورتالى.
قايرات نۇرتاستىڭ ىسىنە قاتىستى سوت وتىرىسىندا جابىرلەنۋشى اسىلبەك بەكقايىروۆ انشىگە شاعىمى جوق ەكەنىن ايتىپ، اكىمشىلىك ءىستى قىسقارتۋدى سۇرادى.
"ايداربەكوۆپەن ارىز-شاعىم جوق. اكىمشىلىك ءىستى قىسقارتۋدى سۇرايمىن", - دەدى ول.
قايرات نۇرتاس سوت الدىندا ءسوز سويلەپ، ءوزىن ايىپپۇلمەن جازالاۋىن سۇرادى.
"قاتتى قاتەلەسسەم، كىنامدى مويىندايمىن. مەنى ايىپپۇلمەن جازالاساڭىزدار دۇرىس بولار ەدى. سۇرانارىم وسى. سەبەبى الدا تالاي كونتسەرتىم، تالاي تويىم بار", - دەدى ءانشى.
ونەر يەسىنىڭ ادۆوكاتى اكىمشىلىك ءىستى قىسقارتۋدى سۇرادى. پروكۋرور 434-باپ ۇساق بۇزاقىلىق بابى بويىنشا جازا تاعايىنداۋدى، ال جەڭىل جاراقات سالۋ بويىنشا ءىستى سۋديانىڭ قاراۋىنا قالدىرۋدى سۇرادى.
ءانشىنى 15 تاۋلىككە قاماۋ تۋرالى سوت ۇكىم شىعاردى.
