توتەنشە جاعدايلار دەپارتامەنتى 2024 جىلعى 5-7 شىلدە ارالىعىنداعى قاتتى جاۋىن-شاشىن بولجامىنا بايلانىستى الماتى وبلىسىنىڭ تاۋلارىندا سۋ تاسىپ، سول ماڭداعى ەلدىمەكەندەردى سۋ باسۋ قاۋپى بارىن ەسكەرتەدى، دەپ حابارلايدى “ادىرنا” ۇلتتىق پورتالى.
2024 جىلعى 04 شىلدەدەگى "قازگيدرومەت" رمك-نىڭ داۋىلدى ەسكەرتۋىنە سايكەس, 5-7 شىلدە ارالىعىندا قاتتى جاۋىن-شاشىن بولجامىنا بايلانىستى الماتى وبلىسىنىڭ تاۋلى جانە تاۋ بوكتەرىندەگى اۋداندارىندا جانە الماتى قالاسىنىڭ ىرگەلەس اۋماقتارىندا ەڭىس اعىنىنىڭ قالىپتاسۋى جانە وزەندەردەگى سۋ دەڭگەيىنىڭ كوتەرىلۋى كۇتىلەدى، بۇل رەتتە سۋدىڭ تاسۋى مەن سۋ باسۋ قاۋپى جوعارى.
سينوپتيكتەر قاۋىپتى بەلگىلەردەن اسقان كەزدە وزەندەردىڭ جايىلما ۋچاسكەلەرىندە ورنالاسقان ەلدىمەكەندەردى، شارۋاشىلىق قۇرىلىستار مەن جەرگىلىكتى ماڭىزى بار جولداردى سۋ باسۋ قاۋپى ساقتالاتىنىن ەسكەرتەدى.
