تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىسى اقجول بولات سەربيادا وتكەن X ەۋروپالىق گەوگرافيالىق وليمپيادادا كۇمىس جۇلدەگەرى اتاندى.
بۇل جارىسقا قازاقستاندىق جاس گەوگرافتارمەن قاتار رەسەي، سەربيا، بولگاريا، رۋمىنيا، بوسنيا، گەرتسەگوۆينا، چەحيا، ليتۆا، دانيا جانە سلوۆەنيا ەلدەرىنەن 200-گە جۋىق وقۋشى قاتىستى.
قازاقستان قۇراماسىنا رەسپۋبليكالىق جانە حالىقارالىق وليمپيادالاردىڭ جۇلدەگەرى اباي دۇيسەن جەتەكشىلىك ەتتى.
ايتا كەتۋ كەرەك، سونىمەن قاتار شىمكەنتتەگى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ وقۋشىسى ارسەن سىدىقوۆ جانە قوستانايداعى NIS وقۋشىسى اندرەي ەنباحتوۆ ەكى التىن مەدال جەڭىپ السا، شىمكەنتتەگى حيميا-بيولوگيا باعىتىنداعى NIS وقۋشىسى قانات سەرىكبايدا كۇمىس مەدال ەنشىلەدى.
وقۋشىلار تاماشا ناتيجەلەر، دايىندىقتىڭ جوعارى دەڭگەيىن كورسەتتى.
گەوگرافيادان ەۋروپالىق وليمپيادا (EGeO) 2015 جىلدان بەرى جىل سايىن وتكىزىلىپ كەلەدى.
تالدىقورعاندىق NIS وقۋشىسى اقجول بولات گەوگرافيا پانىنەن بىرقاتار رەسپۋبليكالىق، جەلىلىك وليمپيادالاردىڭ جەڭىمپازى. جەتىستىكتەر قورجىنىندا 6 التىن مەن ءۇش كۇمىس مەدالدارى بار.
ح ەۋروپالىق گەوگرافيالىق وليمپيادا سەربيانىڭ وڭتۇستىگىندەگى كوپاونيك ۇلتتىق پاركىندە ءوتتى. وليمپيادا كەزىندە ءبىز تابيعات اياسىندا جاڭا دوستار تاۋىپ، ءبىلىم مەن داعدىلاردى ۇيرەندىك. وليمپيادا 3 تۋردان تۇردى، تەوريالىق، مۋلتيمەديالىق جانە دالالىق تۋر. دالالىق تۋردىڭ ەرەكشەلىگى - بۇل ونىڭ كوپاونيك تابيعي پاركىنىڭ تاۋلى ورماندارى اراسىندا وتكەنى، ماعان ەڭ ۇناعان بولىگى دە سول، — دەپ ءوز پىكىرىن اقجول بولات ءبىلدىردى.
