ناعاشىبەك قاپالبەكۇلى شىعارمالارى نەگىزىندە حالىقارالىق عىلىمي-پراكتيكالىق كونفەرەنتسيا ءوتتى

2249
Adyrna.kz Telegram

3 قاراشادا 2022 جىلى «تۇران» ۋنيۆەرسيتەتىندە ناعاشىبەك قاپالبەكۇلى شىعارمالارى نەگىزىندە اكادەميالىق ىزدەنىستەر: «عىلىمي وزەكتىلىكتەن عىلىمي باعىتقا ءوتۋدىڭ ماسەلەرى» اتتى ءىى حالىقارالىق  عىلىمي – پراكتيكالىق كونفەرەنتسيا ءوتتى، دەپ جازادى "ادىرنا" ۇلتتىق پورتالى. 

كونفەرەنتسيا Zoom ونلاين-وفلاين فورماتىندا جۇرگىزىلدى. كونفەرەنتسيا ماقساتى بويىنشا ناعاشىبەك قاپالبەكۇلىنىڭ شىعارمالارى نەگىزىندە  اكادەميالىق ىزدەنىستەر مەن پانارالىق بايلانىستى قالىپتاستىرۋ تالقىلاندى. اۆتوردىڭ «كەك» رومانى مەن «دوس جۇرەگى» كىتاپتارىنىڭ ناسيحاتتالۋىمەن پانارالىق بايلانىستاردىڭ تىڭ ۇلگىلەرى قورعالدى. تۇركيا، قىرشەكير احي ەۆران ۋنيۆەرسيتەتى، «تۇرىك ءتىلى» كافەدراسى PhD,  فيلولوگيا عىلىمدارىنىڭ دوكتورى وسمان قابادايى مىرزا ءوز سوزىندە تۇرىك تىلىنە كىتاپتىڭ اۋدارىلۋىن، ستۋدەنتتەرگە كىتاپ وقۋ داعدىسىن قالىپتاستىرىپ، رۋحاني باي بولۋعا شاقىردى. باكۋ، ازەربايجان ۇلتتىق عىلىم اكادەمياسى نيزامي گياندجاۆي اتىنداعى ادەبيەت ينستيتۋتىنىڭ تۇركى حالىقتارى ادەبيەتى ءبولىمىنىڭ فيلولوگيا عىلىمدارىنىڭ دوكتورى حۋمماتوۆا حۋرامان باحمان- قىزى ناعاشىبەك قاپالبەكۇلىنىڭ  زەرتتەۋ ەڭبەكتەرىنىڭ ناتيجەسىندە «كەك» تاريحي رومانىنىڭ اقپاراتتىق دەرەكتەرى كەز-كەلگەن ماماندىقتا وقيتىن ستۋدەنتتەرگە پاتريوتتىق كۇش بەرىپ، ىزدەنىستەردىڭ كوزىنە اينالاتىندىعىن ايتتى. «دوس جۇرەگى» كىتابى بويىنشا ادامگەرشىلىك قۇندىلىقتاردى پسيحولوگيامەن، فيلوسوفيامەن،ەكونوميكامەن، سۋرەت ونەرىمەن بايلانىسىن تاپقان «تۇران» ۋنيۆەرسيتەتىنىڭ ستۋدەنتتەرىنە ريزاشىلىعىن ءبىلدىردى.

اتاپ ايتقاندا، جۋرناليستيكا ماماندىعىنىڭ 2-كۋرس ستۋدەنتى بولاتبەك ەڭلىك: ءومىر-دەرەك ناعاشىبەك قاپالبەكۇلى; جۋرناليستيكا ماماندىعىنىڭ 2-كۋرس ستۋدەنتى نۇراحمەتوۆا ساعىنىش  «ناعاشىبەك قاپالبەكۇلىنىڭ «كەك» رومانى بويىنشا وماربەك باتىر جۇرگەن جەرلەردەن تاريحي-دەرەكتى اقپاراتتاردىڭ ماڭىزدىلىعى; قاشىقتىقتان وقۋ ءبولىمى «اۋدارما ءىسى» ماماندىعى 1- كۋرس ستۋدەنتى بەيبىت ايزادا: اقپاراتتىڭ ەستە ساقتالۋى مەن قابىلدانۋىنا قاتىسىمى: تاڭبالىق جۇيەلەر مەن كوركەم سۋرەت (ناعاشىبەك قاپالبەكۇلىنىڭ «دوس جۇرەگى» شىعارماسى بويىنشا). پسيحولوگيا ماماندىعىنىڭ 1-كۋرس ستۋدەنت تولەگەنوۆا مەرەي: ناعاشىبەك قاپالبەكۇلىنىڭ «دوس جۇرەگى» شىعارماسى نەگىزىندە عىلىمي زەرتتەۋ تاقىرىپتارىنىڭ ماڭىزدىلىعى تۋرالى تانىستىرىپ، كوپشىلىكتىڭ نازارىن بيىل جازىلاتىن تىڭ عىلىمي ەسسەلەردىڭ تاقىرىپتارىمەن تانىستىردى.

استانا، ىبىراي التىنسارين اتىنداعى ۇلتتىق ءبىلىم اكادەمياسى «قازاق ءتىلى»، «قازاق ادەبيەتى» زەرتحاناسىنىڭ مەڭگەرۋشىسى ايمان اقتان جازۋشى شىعارماشىلىعىنىڭ كوركەمدىگىن پسيحولينگۆيستيكا، ەتنولينگۆيستيكا، كوگنەتيۆتىلينگۆيستيكا  سالالارىندا كورىنىس تاپقان ادامگەرشىلىك قۇندىلىقتاردى جاڭا قىرىنان تانۋعا شاقىردى. استانا، ل.ن.گۋميلەۆ اتىنداعى ەۇۋ ءدىنتانۋ كافەدراسىنىڭ دوتسەنتى، فيلوسوفيا عىلىمدارىنىڭ كانديداتى، ءدىنتانۋشى كەڭشىلىك تىشحانۇلى ءومىردىڭ زاڭدىلىقتارىن وتباسىلىق قۇندىلىقتارداعى اكە تاربيەسىنىڭ بيىكتىگىن ءدىن تۇرعىسىنان قۇرمەتپەن تانىعان وزەكتىلىك ەشقاشان ءمانىن جوعالتپايتىن تاقىرىپتار ەكەندىگىن باسا ايتادى. "تۇران" ۋنيۆەرسيتەتى "پسيحولوگيا" كافەدراسىنىڭ پروفەسسورى پسيحولوگيا عىلىمىنىڭ كانديداتى قاسىمجانوۆا انارگۇل الياكپاروۆنا  پسيحولوگيا سالاسىنداعى  عىلىمي  جۇمىستاردىڭ ەرەكشەلىكتەرىندە وسىنداي تىڭ سۇراقتاردىڭ تەرەڭ بولۋى ماڭىزدى ەكەندىگىن ايتىپ ءوتتى.

وسىنداي جيىندا  ناعاشىبەك قاپالبەكۇلىنىڭ «كەك» رومانى بويىنشا ف.ع.ك.،دوتسەنت گ.ح.تۋلەكوۆانىڭ عىلىمي جەتەكشىلىگىمەن جارىق كورگەن كىتابىنىڭ تۇساۋكەسەرى بولدى.

سۇحبات بارىسىندا  ستۋدەنتتەردىڭ قىزىق سۇراقتارى ناعاشىبەك قاپالبەكۇلىنىڭ جان دۇنيەسىن قوزعادى. ءال-فارابي اتىنداعى قازۇۋ-ءنىڭ فيلوسوفيا كافەدراسىنىڭ مەڭگەرۋشىسى، فيلوسوفيا عىلىمىنىڭ كانديداتى، اسەت قۇرانبەك ابايۇلى «تۇران» ۋنيۆەرسيتەتى ستۋدەنتتەرىنىڭ جاڭاشىلدىققا قۇمار، ىنتالى ءار ءتۇرلى ماماندىقتا وقيتىن ستۋدەنتتەردىڭ بويىنداعى ىزدەنىستەرىنە، كونفەرەنتسيانىڭ اۆتورى گۇلجان قاجىمۇراتقىزىنا ەرەكشە ىقىلاس تانىتتى. چەللەندج دەپ قابىلداعان وسىنداي ءىس -شارا تۇركيادا، قازمۇۋ- دا جالعاسىن تابادى دەپ ءسوزىن اياقتادى  تۋلەكوۆا گۇلجان حاجىمۇراتقىزى.

"ادىرنا" ۇلتتىق پورتالى

پىكىرلەر