اسقار ءماميننىڭ بۇيرىعى بويىنشا ارىستاعى ۇيلەر 1 تامىزعا دەيىن جوندەۋدەن ءوتۋى كەرەك بولاتىن. الايدا، تۇرعىنداردىڭ قايتا قالپىنا كەلتىرۋ جۇمىستارىنا كوڭىلدەرى تولماي وتىر. ولاردىڭ ايتۋىنشا قاراجات بارىنە جەتكەن جوق. جەتكەن كۇننىڭ وزىندە ءۇيدى تولىق جوندەۋگە تىم از دەيدى.
"ەشقانداي مۇمكىندىك جوق. ماعان "كۇتكىلەرىڭىز كەلمەسە، وزدەرىڭىز ادام جالداڭىزدار" دەپ ايتتى. قۇرلىسشىلار ماعان 200 مىڭ تەڭگە دەپ ەسەپتەپ بەردى. شتابقا بارعانىمدا تەك 80 مىڭ بەرە الاتىندارىن ايتتى. ال قالعان اقشانى قايدان الامىن. ءبىز جاردەماقىعا عانا ءومىر ءسۇرىپ ءجۇرمىز", - دەيدى قالا تۇرعىنى دينارا تاشىمبەتوۆا.
سونىمەن قاتار، قالاداعى حالىقتىڭ باسىم كوپشىلىگى تۇرعىن ۇيلەرىن ءوز قاراجاتتارىنا جوندەپ جاتىر. ال جاعداي كەلمەيتىن وتباسىلاردىڭ باسپانالارى وزگەرىسسىز قيراعان كۇيى تۇر.
ء"تىپتى سىرتقى ەسىك پەن تەرەزە قوياتىن شامامىز جوق. مۇنداي جاعدايدا ءومىر ءسۇرۋدىڭ ءوزى قورقىنىشتى. ءبىزدى بيلىك تاستاپ كەتتى. بىرەۋلەردىڭ ۇيلەرىن قالپىنا كەلتىرىپ جاتقانىن كورەسىڭ. الايدا، مۇنىڭ ءبارى ءوز قاراجاتىنا جاسالىپ جاتىر ەكەن", - دەيدى الەنا پروستينا.
ءتىپتى جوندەۋ جۇمىستارى جۇرگىزىلىپ جاتسا دا، كوپتەگەن ولقىلىقتار بايقالىپ، قالاي بولسا، سولاي جاسالعان قۇرلىس ادامداردىڭ كوڭىلىن كونشىتپەيدى. ولار بالالارىنىڭ قاۋىپسىزدىگىنە الاڭداپ، ءىستى ءوز قولدارىنا العان.
ء"ۇش رەت كوميسسيا كەلدى. تەك سىلايمىز دەگەن بولاتىن. قابىرعالارعا قاراڭىزدارشى جارىق ءوتىپ تۇر. مەنىڭ التى بالام بار، ەرتەڭ ولارعا بىرنارسە بولسا كىم جاۋاپ بەرەدى. ماعان مۇنداي جوندەۋ جۇمىستارى كەرەك ەمەس", - دەيدى نۇرلان ەسىموۆ.
ال شتابتاعىلار بۇل ماسەلەنى وزدەرىنشە تۇسىندەردى. ولاردىڭ ايتۋىنشا قاراجات قانا ەمەس، قۇرلىس ماتەريالدارى مەن ماماندار دا وتە تاپشى ەكەن.
"قارجىلاندىرۋ ارينە قيىن ماسەلە. ەكىنشى رەت قارجى تۇسسە، جۇمىس الدىعا باسادى. مامانداردىڭ جەتىسپەۋىنەن، جۇمىس ساتىلى تۇردە جۇرەتىن بولعاندىقتان كىدىرىستەر بولىپ جاتىر. سونىمەن قاتار، قۇرلىس ماتەريالدارى دا جەتكىلىكسىز", - دەيدى نۇر-سۇلتان شتابىنىڭ وكىلى ارۋجان بۇعىباەۆا.
"ادىرنا" ۇلتتىق پورتالى
