الماتى تەمىر جولىندا ەكى بىردەي اپات بولدى – قورقىنىشتى كادرلار

الماتىدا ەكى كولىك ءجۇرىپ كەلە جاتقان پويىزدىڭ جولىندا قالىپ قويدى، زارداپ شەككەندەر بار، دەپ حابارلايدى قۇقىق قورعاۋ ورگاندارى Sputnik قازاقستانعا.

ءبىرىنشى جول اپاتى جەكسەنبى كۇنى كەشكە بەكماحانوۆ كوشەسىندە ءسۇيىنباي كوشەسىنە جەتپەي بولعان. Lada Priora بەكماحانوۆ كوشەسىمەن شىعىس باعىتتا كەتىپ بارا جاتىپ، جول كەپتەلىسىنە تاپ بولادى. كولىك تەمىر جولدان وتە بەرگەندە، پويىز قاعىپ كەتتى.

ەكىنشى جول اپاتى لاۆرەنەۆ كوشەسىندە "جۇلدىز" شاعىن اۋدانىنا بۇرىلار جەردەن تومەنىرەك بولعان. كۋاگەرلەردىڭ ايتۋىنشا، كارشەرينگ قىزمەتىنە تيەسىلى Volkswagen Polo لاۆرەنەۆ كوشەسىمەن سولتۇستىك باعىتتا كەتىپ بارا جاتقاندا، جۇرگىزۋشى كەنەت قارسى بەتكە شىعىپ، قاتتى جىلدامدىقپەن كەلە جاتقان Mercedes E كولىگىمەن بەتپە-بەت سوقتىعىسادى.

جويقىن سوققىدان Mercedes قارسى بەتتە بىرنەشە ءجۇز مەتر ءجۇرىپ ءوتىپ، اللەيادان اسىپ، پويىز ءجۇرىپ كەلە جاتقان تەمىر جول ۇستىندە ءبىر-اق توقتادى.

جول اپاتىنان Mercedes جۇرگىزۋشىسى مەن جولاۋشىسى زارداپ شەگىپ، ءارتۇرلى جاراقاتپەن اۋرۋحاناعا جەتكىزىلدى. جالعا الىنعان كولىكتىڭ جۇرگىزۋشىسى وقيعا ورىنان قاشىپ كەتتى. پوليتسيا اپاتتىڭ ءمان-جايىن انىقتاپ، قاشقىن جۇرگىزۋشىنى ىزدەپ جاتىر.