Almatyda eki kólik júrip kele jatqan poıyzdyń jolynda qalyp qoıdy, zardap shekkender bar, dep habarlaıdy quqyq qorǵaý organdary Sputnik Qazaqstanǵa.
Birinshi jol apaty jeksenbi kúni keshke Bekmahanov kóshesinde Súıinbaı kóshesine jetpeı bolǵan. Lada Priora Bekmahanov kóshesimen shyǵys baǵytta ketip bara jatyp, jol keptelisine tap bolady. Kólik temir joldan óte bergende, poıyz qaǵyp ketti.
Ekinshi jol apaty Lavrenev kóshesinde "Juldyz" shaǵyn aýdanyna burylar jerden tómenirek bolǵan. Kýágerlerdiń aıtýynsha, karsherıng qyzmetine tıesili Volkswagen Polo Lavrenev kóshesimen soltústik baǵytta ketip bara jatqanda, júrgizýshi kenet qarsy betke shyǵyp, qatty jyldamdyqpen kele jatqan Mercedes E kóligimen betpe-bet soqtyǵysady.
Joıqyn soqqydan Mercedes qarsy bette birneshe júz metr júrip ótip, alleıadan asyp, poıyz júrip kele jatqan temir jol ústinde bir-aq toqtady.
Jol apatynan Mercedes júrgizýshisi men jolaýshysy zardap shegip, ártúrli jaraqatpen aýrýhanaǵa jetkizildi. Jalǵa alynǵan kóliktiń júrgizýshisi oqıǵa orynan qashyp ketti. Polıııa apattyń mán-jaıyn anyqtap, qashqyn júrgizýshini izdep jatyr.
"Adyrna" ulttyq portaly
