Özbekstan-Qazaqstan şekarasynda kontrabandaşylarǧa tiesılı ūzyndyǧy 310 metrlık jerasty tonnelı anyqtaldy, dep habarlaidy “Adyrna” ūlttyq portaly. Būl turaly Özbekstannyŋ memlekettık qauıpsızdık qyzmetı (MQQ) mälımdedı.
“Memlekettık küzet qyzmetınıŋ qyzmetkerlerı Şekara qyzmetı jäne «Taşkent-Aero» mamandandyrylǧan keden keşenınıŋ qyzmetkerlerımen bırlesıp Özbekstannan sapasy kepıldenbegen därılık zattardy zaŋsyz äkelumen ainalysqan transşekaralyq qylmystyq toptyŋ äreketın äşkereledı. Qazaqstan arqyly Ündıstanǧa, iaǧni Deli-Taşkent-Almaty reisı boiynşa därı-därmek partiiasy jetkızılıp, odan keiın tunnel arqyly Qazaqstannyŋ Türkıstan oblysynyŋ Saryaǧaş audanynan Taşkent aimaǧyna jetkızılgenı atap ötıldı” delıngen saitta.
Tärtıp saqşylary qylmystyq top müşelerınen aiǧaq retınde Ündıstanda öndırılgen Albumin, Remdesivir, Meropenem siiaqty 107 ataudaǧy 17 048 esırtkını tärkıledı.
Ūzyndyǧy 310 metrdı qūraityn tunnelde kontrabandaşylardyŋ jük tasymaldauǧa arnalǧan arbalary bar jäne tıptı jeldetu jüiesı ornatylǧan.
Qylmystyq kodekstıŋ tiıstı baptary boiynşa qylmystyq ıs qozǧalyp, küdıktılerge qatysty qamauǧa alu türındegı būltartpau şarasy qoldanyldy.
Ūqsas jaŋalyqtar
