Qazaqstan astanasy Qaŋtar oqiǧasynan keiın būrynǧy atauyna oralsa da, Astanadaǧy bırqatar memlekettık mekemeler öz mekenderın älı de "Nūr-Sūltan qalasy" dep körsetıp keledı. Būl turaly QazTAG jariialady, dep “Adyrna” ūlttyq portaly.
Mälımet boiynşa, memlekettık satyp alular portalynda «Astana su arnasy» memlekettık käsıporny «Nūr-Sūltan» atauyn saqtai otyryp, memlekettık satyp alu konkurstary turaly habarlandyrulardy älı de jariialaidy.
Memlekettık käsıporynnyŋ portaldaǧy paraqşasynda atalǧan mekemenıŋ tolyq atauy «Nūr-Sūltan qalasy äkımdıgınıŋ «Astana su arnasy» şaruaşylyq jürgızu qūqyǧyndaǧy memlekettık kommunaldyq käsıporny» dep körsetılgen.
Sondai-aq, "Nūr-Sūltan qalasy äkımdıgınıŋ «№50 «Jūldyz» böbekjai-baqşasy» memlekettık qazynalyq käsıporny", "Nūr-Sūltan qalasy «№ 2 öner mektebı» memlekettık qazynalyq käsıporny" degen ataular kezdesedı. «Elordalyq sirk» memlekettık kommunaldyq qazynalyq käsıporny da"Nūr-Sūltan" qalasynyŋ äkımdıgı men basqa da memlekettık organdarda tırkelgen.
Eske salaiyq, 2022 jyldyŋ 2 qyrküiegınde Mäjılıs deputattary Qaŋtar oqiǧasynan keiın keiın üş jyl boiy «Nūr-Sūltan» atalyp kelgen Astana atauyn elordaǧa qaitarudy ūsynǧan bolatyn.
Sol kezde Memleket basşysynyŋ baspasöz hatşysy qyzmetın atqarǧan Ruslan Jeldıbai "Nūr-Sūltannyŋ" atyn "Astana "dep özgertu bastamasyna tüsınıkteme bere otyryp, eks-prezident Nūrsūltan Nazarbaevtyŋ qūrmetıne basqa da esımder berılgenın aitty. Sol jyly 15 qyrküiek mäslihat qabyrǧasynda atyn özgertu mäselesın qoǧamdyq talqylau ötıp, qoǧam belsendılerı elordanyŋ būrynǧy atauy – Astanaǧa qaitaryluyn qoldady.
2022 jyldyŋ 16 qyrküiekınde parlament "Astana" atauyn elordaǧa qaitaru turaly tüzetulerdı maqūldady. 17 qyrküiekte Toqaev arnaiy jarlyǧymen "Astananyŋ" atyn elordaǧa qaitardy.
