بەلگىلى ءانشى ديماش قۇدايبەرگەن «New Vision: بيزنەس كۇشى» جاھاندىق بيزنەس-فورۋمىندا قۇندىلىقتار تاقىرىبىن كوتەردى، دەپ حابارلايدى «ادىرنا» ءتىلشىسى.
28 ماۋسىمدا قازاقستان مادەني ورلەۋىنە ارنالعان پانەلدىك سەسسيا اياسىندا فورۋمنىڭ قورىتىندى بولىمىنە قاتىسقان ونەر يەسى الەمگە بەيبىتشىلىك كەرەك ەكەنىن مالىمدەدى.
«مەن ءوز حالقىمدى، وتانىمدى سۇيە تۇرا، ادامزاتتى ۇلتقا، دىنگە، تىلگە، ناسىلگە بولمەيتىنىمدى اتاپ ايتقىم كەلەدى. قازاق حالقى – دانا حالىق. ءاربىر ادام اينالاسىنداعى ادامدارعا جىلى شىراي قارىم-قاتىناس جاساپ، مەيىرىمدى بولسا ول سول ادامنىڭ دانالىعى دەپ بىلەمىن. الەمگە تەك بەيبىتشىلىك قانا كەرەك. الەمنىڭ كوپتەگەن ەلىندە بولدىم. مەنىڭ كونتسەرتتەرىمە كەلەتىن كورەرمەندەر، قولداۋشىلارىم — ساياسات پەن ساياسي ۇگىت-ناسيحاتقا ەش قاتىسى جوق ادامدار. سوندىقتان مەن قازاق، ولار فرانتسۋز، امەريكالىق، قىتايلىق، سەرب، ورىس بولسىن – ءبارىمىز باۋىرمىز»،—دەدى ديماش قۇدايبەرگەن.
سونداي-اق ول تىلگە دەگەن قۇرمەتتىڭ ماڭىزدى ەكەنىن اتاپ ءوتتى.
«اتا-بابامىزدىڭ وسكەلەڭ ۇرپاققا ميراس ەتىپ قالدىرعان مۇراسىنا نەمقۇرايدى قاراماي، ءوزىمىز بىرلىكتە بولايىق. ءتىلىمىزدى قۇرمەتتەپ، حالقىمىزدىڭ قادىر-قاسيەتىنە جەتىپ، الەمدى قۇشاق جايا قارسى الاتىنداي ادەمى دەڭگەيدە ءومىر سۇرەيىك!»— دەپ تولىقتىردى ءانشى.
View this post on Instagram
<
