بەلگىلى ءانشى ديلناز احماديەۆا تۇرمىستىق زورلىق-زومبىلىقتىڭ قۇربانى بولعان سالتانات نۇكەنوۆاعا ارناپ، ءان شىعاردى، دەپ حابارلايدى “ادىرنا” ۇلتتىق پورتالى. بۇل تۋرالى ول ءوزىنىڭ Instagram پاراقشاسىندا جازدى.
ءان “كەش” دەپ اتالادى. ول ءوزىنىڭ پاراقشاسىندا سالتانات نۇكەنوۆانىڭ جاعدايى وزىنە قاتتى اسەر ەتكەنىن، جۇرەگىن تەبىرەنتكەنىن جازدى:
“مەن بۇل جانتۇرشىگەرلىك تراگەديا تۋرالى بۇكىل ەلمەن، بۇكىل الەممەن بىرگە ءبىلدىم. بىرگە جىلادىم، ۇيىقتامادىم، ۋايىمدادىم، دۇعا ەتتىم. بىراق مەنىڭ قولىمنان كەلگەنى ءان جازىپ، سالتاناتقا ارناۋ بولدى! @aitym (ايتبەك امانگەلدى) بارلىعى ءۇشىن كوپ راحمەت. مەن ءسىزدىڭ وتباسىڭىز ءۇشىن بۇل جاعدايدىڭ قانشالىقتى اۋىر ەكەنىن ەلەستەتە المايمىن. بارشاڭىزعا دەنساۋلىق، كۇش-قۋات تىلەيمىن! ان حالىقتىڭ جۇرەگىنە جەتەدى دەپ سەنەمىن!” دەپ جازدى ول.
ال “كەش” ءانىنىڭ اۆتورى جاس كومپوزيتور - ارلان قابيدوللاەۆ.
