بۇگىن بۇرىنعى ۇلتتىق ەكونوميكا ءمينيسترى بيشىمباەۆ قۋاندىق ءوز ايەلىن ۇرىپ ءولتىردى دەگەن كۇدىكپەن ۇستالعانىن حابارلادىق.
ول دوستىق كوشەسى، 16-ۇيدە ورنالاسقان «باۋ» مەيرامحاناسىندا ايەلىن سوققىعا جىققان. 31 جاستاعى ايەل العان جاراقاتتارىنان جەدەل جاردەم كەلگەنشە وقيعا ورنىندا كوز جۇمعان.
بەلگى بولعانداي، ۇستالعانعا دەيىن بيشىمباەۆ ءوزىن پىشاقتايمىن دەپ قورقىتقان. كۇدىكتى قاماۋعا الىندى.
ء“تيىستى ساراپتامالار تاعايىندالدى. وقيعا ورنىندا ەسىل اۋدانى تجد جانە قب جەدەل-تەرگەۋ توپتارى جۇمىس ىستەپ جاتىر. قازىر تەرگەۋ امالدارى جۇرگىزىلۋدە. قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنا سايكەس «سوتقا دەيىنگى تەرگەپ-تەكسەرۋ دەرەكتەرىن جاريا ەتۋگە جول بەرمەۋ» بويىنشا بۇل قىلمىستىق ءىس بويىنشا باسقا اقپارات بەرۋ مۇمكىن ەمەس”، دەپ حابارلادى ءىىم.
ەكس-شەنەۋنىكتىڭ بۇل ءۇشىنشى ايەلى - سالتانات نۇكەنوۆا. مارقۇم جايلى نە بەلگىلى؟
سالتانات نۇكەنوۆا قايتىس بولعان كەزدە 31 جاستا ەدى. تۋعان جەرى - پاۆلودار. 1992 جىلى 15 مامىردا دۇنيەگە كەلگەن. بۇل تۋرالى اقپارات ونىڭ جەكە الەۋمەتتىك جەلىلەرىندە كورسەتىلگەن.
سالتانات استرولوگيانى زەرتتەپ، جەكە بلوگىن جۇرگىزگەن. ونىڭ پاراقشاسىندا كورسەتىلگەندەي، كەڭەس بەرۋ قۇنى شامامەن 80 مىڭ تەڭگەنى قۇراعان.
سالتاناتتىڭ ءوزى Instagram جەلىسىندەگى پاراقشاسىندا جازعانداي، ول بۇرىنعى مينيستر قابىلداۋعا كەلگەندە تانىسقان. ەرلى-زايىپتىلار شامامەن ءبىر جىل بۇرىن ۇيلەندى.
سالتاناتتىڭ اعاسى پاۆلودار قالاسىنىڭ بۇرىنعى اكىمى قايرات نۇكەنوۆ بولۋى مۇمكىن.
