قىرعىزستاندا سەل سالدارىنان كوز جۇمعانداردىڭ سانى سەگىزگە جەتتى، دەپ حابارلايدى "ادىرنا" ۇلتتىق پورتالى.
قىرعىزستاننىڭ توتەنشە جاعدايلار مينيسترلىگى 29 ماۋسىم كۇنى وش وبلىسىنىڭ نووكات اۋدانىندا سەل الىپ كەتكەن تاعى ءبىر ايەلدىڭ دەنەسىن تاپتى. مارقۇمنىڭ جەكە باسىن انىقتاۋ جۇمىستارى جۇرگىزىلىپ جاتىر.
سەلدەن كوز جۇمعانداردىڭ باسىم كوپشىلىگى - جاسوسپىرىمدەر. قازا تاپقاندار اراسىندا ەكى ايەل دە بار.
"قازىرگى ۋاقىتتا اقپارات ناقتىلانىپ جاتىر", – دەپ حابارلادى قىرعىزستاننىڭ توتەنشە جاعدايلار مينيسترلىگى.
