26 ماۋسىم -حالىقارالىق ناشاقورلىققا جانە ەسىرتكىنىڭ زاڭسىز اينالىمىنا قارسى كۇرەس كۇنىنە ارنالعان «ەسىرتكىسىز بولاشاق» اتتى جاستار اكتسياسى وتكىزىلدى.
باتىس قازاقستان وبلىسىنىڭ قوعامدىق دامۋ باسقارماسىنىڭ الەۋمەتتىك تاپسىرىسى نەگىزىندە «عاسىر» جاستار قوعامدىق بىرلەستىگىنىڭ ۇيىمداستىرۋىمەن 26 ماۋسىم -حالىقارالىق ناشاقورلىققا جانە ەسىرتكىنىڭ زاڭسىز اينالىمىنا قارسى كۇرەس كۇنىنە ارنالعان «ەسىرتكىسىز بولاشاق» اتتى جاستار اكتسياسى وتكىزىلدى.
شارادا باتىس قازاقستان وبلىسى اكىمىنىڭ ورىنباسارى نارىمبەتوۆ باقىتجان حابەرۇلى ءسوز سويلەپ، قالا تۇرعىندارىمەن قوناقتارىن وڭىرىمىزدەگى ەسىرتكىگە قارسى كۇرەس جۇمىستارىنا بىرۋگە شاقىرا وتىرىپ، «ەسىرتكىگە قارسى كۇرەس» ايالىعى اياسىندا پروفيلاكتيكالىق جۇمىستارعا ۇلەس قوسقان ەرىكتى جاستاردى العىس حاتتارمەن ماراپاتتادى.
سونىمەن قاتار شارا بارىسىندا باتىس قازاقستان وبلىسىنىڭ پوليتسيا دەپارتامەنتىنىڭ ەسىرتكىگە قارسى ءىس-قيمىل باسقارماسىنىڭ باستىعى، پوليتسيا پولكوۆنيگى - مۋسين راۋان گيمرانۇلىدا پوليتسيا دەپارتامەنتىنە قول ۇشىن سوزعان مەكەمە ۇجىمدارىمەن ءبىر توپ بەلسەندى ازاماتتاردى قازاقستان رەسپۋبليكاسى ىشكى ىستەر مينيسترلىگىنىڭ العىس حاتتارىمەن جانە باتىس قازاقستان وبلىسى پوليتسيا دەپارتامەنتىنىڭ العىس حاتتارىمەن ماراپاتتاپ، الداعى جۇمىستارىنا ساتتىلىك تىلەدى.
جاستار اكتسياسى كونتسەرتتىك باعدارلامامەن، كوڭىلدى ويىندارمەن جالعاسىن تاۋىپ، اكتسيا بارىسىندا كورەرمەندەرگە جانە قالا تۇرعىندارىنا تاقىرىپتىق بۋكلەتتەر تاراتىلدى. «جەدەل قيمىلدايتىن ارنايى جاساق» قىزمەتكەرلەرىنىڭ جانە «كينولوگيالىق ورتالىق» قىزمەتكەرلەرىنىڭ قىزمەتتىك يتتەرمەن قويىلىمدارى ۇسىنىلدى.
