پرەمەر-ءمينيستردىڭ ورىنباسارى كەلەسى جىلى سۋ تاسقىنى بولمايدى دەپ ناقتى ايتا المايتىنىن جەتكىزدى، دەپ حابارلايدى"ادىرنا" ۇلتتىق پورتالى.
ۆيتسە-پرەمەر قانات بوزىمباەۆ ارىپتەستەردىڭ وتستاۆكاعا قاتىستى ساۋالىنا جاۋاپ بەردى.
"بىرىنشىدەن، مەنىڭ تاجىريبەم بار. سوندىقتان وتستاۆكاعا كەتۋگە دايىنمىن.
قازىر ءبىز باسپاناسىز قالعان ادامداردى ۇيمەن قامتاماسىز ەتۋگە بار كۇش-جىگەرىمىزدى جۇمساپ جاتىرمىز. ەكىنشىدەن، اپاتتى الدىن الا بولجايتىن جۇيەنى جاساۋعا نازار اۋدارىپ جاتىرمىز. 2 ماسەلەنى بيىل قولعا الىپ، ءتيىستى مينيسترلىكتەردى قامتاماسىز ەتىپ، ءبارىن جاساساق، سۋ تاسقىنى بولسا دا، كەلگەن شىعىن ازداۋ بولادى", - دەدى قانات بوزىمباەۆ ۇكىمەت وتىرىسىندا.
ودان بولەك، ۆيتسە-پرەمەرگە كەلەسى جىلى اپاتتىڭ قايتالانۋى مۇمكىن بە دەگەن ساۋال جولداندى.
"ونى كىم ايتادى؟ اللادان سۇراڭىز... سۋ تاسقىنى بولا ما، بولماي ما؟ ونى اللادان سۇراڭىز", - دەپ پرەمەر-ءمينيستردىڭ ورىنباسارى بوزىمباەۆ جاۋابىن قىسقا قايىردى.
