بۇگىن الماتى وڭىرلىك گارنيزونى اسكەري پوليتسيا جاساعىنىڭ سىبايلاس جەمقورلىققا قارسى ارەكەت ەتۋ بولىمشەسىنىڭ باستىعى ادىلەت كاپيتانى ساۋرىق راۋان بەكتۇرسىنۇلى "ارميادا قىلمىسقا ورىن جوق" جوسپارىنىڭ تالاپتارىن ورىنداۋ ماقساتىندا الماتى قالاسىنداعى جوعارى اسكەري وقۋ ورىندارىنا ءتۇسىندىرۋ جۇمىستارىن جۇرگىزدى.
اتاپ ايتقاندا :قۇرلىق اسكەرلەرىنىڭ اسكەري ينستيتۋتى، راديوەلەكترونيكا جانە بايلانىس اسكەري ينجەنەرلىك ينستيتۋتىنا تۇسۋگە نيەت بىلدىرگەن كانديداتتارمەن جانە ولاردىڭ اتا-انالىرىمەن جۇزدەسىپ، قۇجات تاپسىرۋدا قانداي دا ءبىر كەدەرگىلەردىڭ بار-جوقتىعىن سۇرادى.
سونىمەن بىرگە، ول اسكەري وقۋ ورنىنىڭ قابىلداۋ كوميسسياسى قۇرامىنا قر "سىبايلاس جەمقورلىققا قارسى ءىس-قيمىل تۋرالى " زاڭىنىڭ تالاپتارىن جەتكىزدى. جوعارى اسكەري وقۋ ورىندارىنا ابيتۋريەنت قابىلداۋ كەزىندە سىبايلاس جەمقورلىق وقيعالارىن بولدىرماۋ بويىنشا پروفيلاكتيكالىق ءىس-شارالار وتكىزدى. قورىتا ايتقاندا، سىبايلاس جەمقورلىقپەن كۇرەسۋ قازاقستاننىڭ بۇگىنگى كۇنگى كۇردەلى ماسەلەسى بولىپ وتىر. ۇلكەن الەۋمەتتىك قاسىرەت بولىپ تابىلاتىن ول ساياسي دامۋ تۇرعىسىنان ءبىر-بىرىنە ۇقسامايتىن الەمدەگى بارلىق ەلدەردىڭ قاي-قايسىسىن دا قاتتى الاڭداتاتىنى انىق.
"ادىرنا" ۇلتتىق پورتالى
