QR Joǧary Sotynyŋ Qylmystyq ıster jönındegı sot alqasynyŋ töraǧasy Nazgül Rahmetullina Jambyl oblysynyŋ būrynǧy äkımı jäne «Qazseldenqorǧau» ūiymynyŋ basşysy Kärım Kökırekbaevtyŋ aqtaluyna bailanysty pıkır bıldırdı, dep habarlaidy Adyrna.kz ūlttyq portaly.
7 mausym künı Almaty oblysynyŋ qylmystyq ıster jönındegı mamandandyrylǧan audanaralyq soty QR TJM aumaqtyq bölımşesınıŋ lauazymdy tūlǧalaryna qatysty qylmystyq ıstı qarap, asa ırı kölemde para aldy delıngen Kärım Kökırekbaevty aqtaǧan bolatyn.
Nazgül Mäuılhanqyzy eks-äkımge şyqqan ükım älı küşıne enbegenın mälımdedı.
“Özderıŋızde bılesızder ıstı men qaramaǧandyqtan naqty män-jaiyn aita almaimyn. Ol alqabilerdıŋ qatysuymen qaralǧan. Alqabiler osyndai şeşımge keldı. Menıŋ bıluımşe qazırgı taŋda ıs boiynşa prokurordyŋ aryzy tüstı. Endı appeliasiialyq satyda ıs qaralady. Būl turaly sot aqparat taratatyn bolady.
Qazırgı taŋda alqabiler şeşımı zaŋdyq küşıne engen joq. Sondyqtan ol zaŋdy ma, joq pa, negızsız ba aituǧa qūqyly emespın” - dedı ol.
Esterıŋızde bolsa, 2022 jyldyŋ jeltoqsan aiynda Sybailas jemqorlyqqa qarsy qyzmet TJM «Qazseldenqorǧau» MM direktory Kärım Kökırekbaevtyŋ para alu kezınde ūstalǧan bolatyn. Al 7 mausym künı Almaty oblysynyŋ qylmystyq ıster jönındegı mamandandyrylǧan audanaralyq soty QR TJM aumaqtyq bölımşesınıŋ lauazymdy tūlǧalaryna qatysty qylmystyq ıstı qarap, asa ırı kölemde para aldy delıngen Kärım Kökırekbaevty aqtady.
Ūqsas jaŋalyqtar
