مينيستر كيىز ۇيدە جارتىلاي جالاڭاشتانىپ بيلەگەندەرگە قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
قر مادەنيەت جانە اقپارات ءمينيسترى ايدا بالاەۆا الەۋمەتتىك جەلىسىندە حالىق اراسىندا رەزونانس تۋدىرعان ۆيدەوعا جاۋاپ بەردى.
“قر مادەنيەت جانە اقپارات ءمينيسترى رەتىندە كيىز ۇيدە بي بيلەپ، بەيادەپ ارەكەتىمەن قوعام نازارىن اۋدارتقان بەينەروليك تۋرالى ايتقىم كەلەدى. مۇنداي كونتەنت قوعامدا الاۋىزدىق تۋدىرۋى مۇمكىن. ارانداتۋشىلىققا دا ۇرىندىرۋى ىقتيمال. ارينە، وسكەلەڭ ۇرپاق تاربيەسىنە كەرى اسەرىن تيگىزەدى. ۆيدەونىڭ مازمۇنى قازاق حالقىنىڭ قۇندىلىقتارى مەن سالت-داستۇرلەرىنە قايشى كەلەدى،”- دەپ جازدى مينيستر جەلىدەگى پاراقشاسىندا.
ايدا بالاەۆا ۇلتتىق قۇندىلىقتان باس تارتۋ عۇرپىمىزعا قاۋىپ توندىرەتىنىن دە ايتتى.
“مەملەكەتتىك الەۋمەتتىك تاپسىرىستار ءداستۇرلى قۇندىلىقتارىمىزدى ساقتاۋ مەن ناسيحاتتاۋدا ەرەكشە جاۋاپكەرشىلىكتى تالاپ ەتەدى. ۇلتتىق قۇندىلىقتاردان باس تارتۋ مادەنيەتىمىزگە، سالت-داستۇرىمىزگە جانە ادەت-عۇرىپتارىمىزعا قاشان دا قاۋىپ توندىرەدى،”- دەيدى ول.
ايتا كەتەيىك، كەشە الەۋمەتتىك جەلىدە 2 قىز بەن ەر جىگىتتىڭ كيىز ۇيدە جارتىلاي جالاڭاشتانا تۇسكەن بەينەسى تاراعان ەدى.
