ۇلتتىق ستاتيستيكا بيۋروسىنىڭ حابارلاۋىنشا، ءبىر جىل كولەمىندە جاڭا تۇرعىن ۇيلەر باعاسى 4,4% ءوستى، ال پاتەرلەردى قايتا ساتۋ باعاسى 2,9% تومەندەدى. بۇل جايلى "ادىرنا" ۇلتتىق پورتالى جازدى.
تۇرعىن ءۇيدى جالعا الۋ تولەمى وتكەن جىلعى ءتيىستى ايمەن سالىستىرعاندا 2023 جىلعى تامىزدا 17% ارتقان.
جىل كولەمىندە ۇيلەر اقتاۋدا – 18%، سەمەيدە – 16%، پاۆلوداردا - 15,5% قىمباتتادى. قولدانىستاعى پاتەرلەر نارىعىندا باعا ءوسىمىنىڭ كوش باسىندا سەمەي (25,3%), اقتوبە (22,5%), قىزىلوردا (15,5%) قالالارى تۇر. ال تۇرعىن ءۇيدى جالعا بەرۋ نارىعىندا – كوكشەتاۋ (37,9%), قوناەۆ (36,1%), اقتوبە (34,7%) قالالارى الدىڭعى ورىنعا شىقتى.
تامىزدا شىلدەگە قاراعاندا جاڭا تۇرعىن ءۇي باعاسى وزگەرىسسىز قالدى، پاتەرلەردى قايتا ساتۋ 1,8% تومەندەدى. اباتتاندىرىلعان تۇرعىن ءۇيدى جالعا الۋ تولەمى شىلدەمەن سالىستىرعاندا تامىزدا 2,3% ءوستى.
ستاتيستيكا بيۋروسىنىڭ مالىمەتىنشە، جىل باسىنان بەرى قازاقستاندىقتار 38 810 ءۇي ساتىپ العان. بۇل جىل باسىنان بەرگى ەڭ جوعارعى كورسەتكىش ەسەپتەلەدى. ونىڭ ىشىندە جەكە ۇيلەر بويىنشا 10 141 جانە كوپپاتەرلى ۇيلەردەگى پاتەرلەر بويىنشا 28 669 مامىلە جاسالدى. 2023 جىلدىڭ شىلدەسىمەن سالىستىرعاندا (34 225) تۇرعىن ءۇيدى ساتىپ الۋ-ساتۋ مامىلەلەرىنىڭ سانى 13,4%-عا ءوستى.
"ادىرنا" ۇلتتىق پورتالى
ۇقساس جاڭالىقتار
