ءۇندىستاندا جولاۋشىلار مەن جۇك پويىزى سوقتىعىستى، دەپ حابارلايدى “ادىرنا” ۇلتتىق پورتالى.
سالدارىنان كەمىندە 15 ادامنىڭ قازا تاپقانى انىقتالدى. ودان بولەك، 60 ادام جاراقات العان.
قايعىلى وقيعا ءۇندىستاننىڭ شىعىسىنداعى باتىس بەنگاليا شتاتىنداعى سيليگۋري قالاسىنا جاقىن جەردە بولعان. جۇك پويىزى مەن جولاۋشىلار پويىزى سوقتىعىسىپ، دارىگەرلەر مەن قۇتقارۋشىلار كومەككە كەلگەن. تەمىرجول ءمينيسترى اشۆيني ۆايشناۆ تا قاقتىعىس بولعان جەرگە اتتانعان. باق بەتتەرىندە قازا بولعاندار سانى ءالى دە ءوسۋى مۇمكىن ەكەنى ايتىلۋدا.
ءۇندىستان پرەمەر-ءمينيسترى نارەندرا مودي قايعىلى وقيعادا قازا تاپقانداردىڭ وتباسىلارىنا كوڭىل ايتتى.
