قاراعاندى وبلىسىنا قاراستى ساران قالاسىنىڭ مەملەكەتتىك اكتيۆتەر جانە ساتىپ الۋ ءبولىمى جاڭا جىلدىق شىرشانى ورناتۋعا 29 464 285 تەڭگە قارجى ءبولدى، - دەپ حابارلايدى ادىرنا ۇلتتىق پورتالى https://satypalu.gov.kz/kz سايتىنا سىلتەمە جاساپ.
جاڭا جىل مەرەكەسىنە دەيىن ءالى التى اي ۋاقىت بار. سوعان قاراماستان ساراندىق شەنەۋنىكتەر التى اي بۇرىن بىلەك سىبانىپ، 30 ميلليون تەڭگەگە جۋىق قارجى ءبولىپ، جاڭا جىلعا دايىندالا باستاعان.
وسى اپتادا ساران قالاسىنىڭ مەملەكەتتىك اكتيۆتەر جانە ساتىپ الۋ ءبولىمى «مەرەكەگە ارنالعان قالانى بەزەندىرۋ قىزمەتتەرى» دەگەن اتاۋمەن اشىق كونكۋرس تاسىلىمەن تەندەر جاريالادى.
تەندەرگە قۇجاتتار قابىلداۋ 25 ماۋسىمدا باستالىپ، جەڭىمپاز 7 شىلدە كۇنى انىقتالادى.
مەملەكەتتىك ساتىپ الۋ جەڭىمپازى قالا ورتالىعىنا بيىكتىگى 12 مەتر بولاتىن ءبىر شىرشا ورناتۋى كەرەك. سونىمەن قاتار، سۇڭقار ستاديونىنىڭ الاڭىنا جاڭا جىل تاقىرىبىنا ارنالعان فوتوايماقتى دايىنداپ، ءتۇرلى جارىقتاردى ورناتادى. تەندەردى جاريالاۋشىلار الاڭعا بويى 5 مەتر بولاتىن اياز اتا مەن اقشاھار قويۋدى دا ۇمىتپاعان.
ءشىلىڭشىر شىلدەدە جاڭا جىلدى مەرەكەلەۋگە دايىندىقتى باستاۋ نە ءۇشىن قاجەت؟ بۇل سۇراقتى ءتيىستى مەكەمەگە جولدادىق. جاۋاپ كەلىپ جاتسا، ونى دا جاريالايتىن بولامىز!
قانات بىرلىكۇلى
ادىرنا ۇلتتىق پورتالى
