Qaraǧandy oblysyna qarasty Saran qalasynyŋ memlekettık aktivter jäne satyp alu bölımı jaŋa jyldyq şyrşany ornatuǧa 29 464 285 teŋge qarjy böldı, - dep habarlaidy Adyrna ūlttyq portaly https://satypalu.gov.kz/kz saityna sılteme jasap.
Jaŋa jyl merekesıne deiın älı alty ai uaqyt bar. Soǧan qaramastan sarandyq şeneunıkter alty ai būryn bılek sybanyp, 30 million teŋgege juyq qarjy bölıp, jaŋa jylǧa daiyndala bastaǧan.
Osy aptada Saran qalasynyŋ memlekettık aktivter jäne satyp alu bölımı «Merekege arnalǧan qalany bezendıru qyzmetterı» degen ataumen aşyq konkurs täsılımen tender jariialady.
Tenderge qūjattar qabyldau 25 mausymda bastalyp, jeŋımpaz 7 şılde künı anyqtalady.
Memlekettık satyp alu jeŋımpazy qala ortalyǧyna biıktıgı 12 metr bolatyn bır şyrşa ornatuy kerek. Sonymen qatar, Sūŋqar stadionynyŋ alaŋyna Jaŋa jyl taqyrybyna arnalǧan fotoaimaqty daiyndap, türlı jaryqtardy ornatady. Tenderdı jariialauşylar alaŋǧa boiy 5 metr bolatyn Aiaz ata men Aqşahar qoiudy da ūmytpaǧan.
Şılıŋşır şıldede jaŋa jyldy merekeleuge daiyndyqty bastau ne üşın qajet? Būl sūraqty tiıstı mekemege joldadyq. Jauap kelıp jatsa, ony da jariialaityn bolamyz!
Qanat Bırlıkūly
Adyrna ūlttyq portaly
Ūqsas jaŋalyqtar
