Qazaqstanda Týrızm jáne sport mınıstrligine qarasty komıtetterdiń birin qaıta qurý josparlanyp otyr. Tıisti qaýly jobasy "Ashyq NQA" portalynda jarııalandy, dep habarlaıdy «Adyrna» ulttyq portaly.
Úkimet qaýlysynyń jobasynda Týrızm ındýstrııasy komıtetin qaıta qurý týraly aıtylady.
"Týrızm jáne sport mınıstrliginiń Týrızm ındýstrııasy komıteti quramynan Oıyn bıznesi jáne lotereıany retteý komıtetin bólý arqyly qaıta qurylsyn", - delingen qujatta.
Aqparatqa sáıkes, oıyn bıznesi men lotereıany retteý jónindegi jańa komıtet "salalyq máselelerdi derbes jáne jedel sheshe alady”. Qaýly jobasynyń salystyrmaly kestesinde Prezıdenttiń 30 mamyrdaǵy qaýlysyn iske asyrý maqsatynda jańa komıtet qurylyp jatqany aıtylǵan.
