سىرتقى ىستەر ءمينيسترىنىڭ ورىنباسارى رومان ۆاسيلەنكو پرەزيدەنتتى ۇلىقتاۋ راسىمىنە شەتەل وكىلى رەتىندە كىمدەردىڭ شاقىرىلاتىنىن ايتتى، دەپ حابارلايدى “ادىرنا” ۇلتتىق پورتالى.
ايتا كەتەيىك، بۇعان دەيىن ورتالىق سايلاۋ كوميسسياسىندا پرەزيدەنت قاسىم-جومارت توقاەۆتىڭ 26 قاراشادا قازاقستان حالقىنا انت بەرەتىنى حابارلانعان ەدى.
ۆيتسە-ءمينيستردىڭ ايتۋىنشا، يناۋگۋراتسياعا قابىلداۋشى ەلدە تىركەلگەن ديپلوماتيالىق كورپۋستىڭ وكىلدەرى، ياعني ەلشىلەر شاقىرىلادى. ءدال وسىنداي ءتارتىپ 2019 جىلى وتكەن يناۋگۋراتسيادا بولعان.
پرەزيدەنتتى ۇلىقتاۋعا بيۋدجەتتەن قوسىمشا قاراجات ءبولىنىپ وتىرعان جوق. بۇل تۋرالى جاقىندا پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ ايتقان ەدى.
«وزدەرىڭىز بىلەتىندەي، ۇلىقتاۋ – پرەزيدەنتتىڭ رەسمي تۇردە كونستيتۋتسيالىق زاڭ بويىنشا لاۋازىمعا وتۋىنە بايلانىستى انت بەرۋى. وعان كوپ قاراجات كەتەدى دەپ ويلايمىن. سوندىقتان، وعان ءبىزدىڭ تاراپىمىزدان كوپ قاراجات بولىنبەيدى»، – دەگەن ەدى سول كەزدە ە. جاماۋباەۆ.
