اقمولا وبلىسىندا جوعالىپ كەتكەن رەسەيلىك ازامات ءولى تابىلدى، دەپ حابارلايدى "ادىرنا" ۇلتتىق پورتالى.
ازامات كالينينگرادتان قوناققا كەلگەن. الايدا 1984 جىلى تۋعان ستانيسلاۆ تاراسەنكو 9 ماۋسىمدا بايلانىسقا شىعۋدى توقتاتقان. ەرىكتىلەر ەر ادامدى ىزدەۋ جۇمىستارىن ۇيىمداستىرعانىمەن ءىس ناتيجەسىز بولعان.
رەسمي دەرەكتەرگە سايكەس، رەسەيلىك پەتروپاۆلداعى تۋىستارىنا قوناققا بارعان. سول جەردەن ششۋچينسكىدەگى دوسىنا بارىپ، كەيىن جوعالىپ كەتكەن كورىنەدى. ال 14 ماۋسىمدا ەر ادامنىڭ قايتىس بولعانى انىقتالعان. قازىر قازانىڭ ءمان-جايى انىقتالۋدا.
