اقمولا وبلىسىنىڭ ستەپنوگورسك قالاسىندا اۋىر قايعىلى جاعداي تىركەلدى. كوپقاباتتى ۇيلەردىڭ بىرىندە جاس ايەل جەتى ايلىق قىزىمەن بىرگە جەتىنشى قاباتتاعى تەرەزەدەن قۇلاپ كەتكەن، دەپ حابارلايدى "ادىرنا" ۇلتتىق پورتالى.
اناسى دا، ءسابيى دە العان جاراقاتتارىنىڭ سالدارىنان وقيعا ورنىندا قازا تاپتى.
قايعىلى وقيعا تۋىستارىنىڭ پاتەرىندە بولعانى بەلگىلى. ايەلدىڭ تەرەزەدەن قالاي قۇلاعانى ازىرگە بەيمالىم. قازىرگى تاڭدا پوليتسيا وقيعانىڭ ءمان-جايىن انىقتاپ جاتىر.
اقمولا وبلىستىق پوليتسيا دەپارتامەنتى اتالعان دەرەك بويىنشا سوتقا دەيىنگى تەرگەۋ باستالعانىن مالىمدەدى.
«ستەپنوگورسك قالاسىندا تۋىستارىنىڭ پاتەرىنىڭ تەرەزەسىنەن ايەل مەن ونىڭ كىشكەنتاي قىزىنىڭ قۇلاۋ فاكتىسى بويىنشا سوتقا دەيىنگى تەرگەۋ باستالدى. وقيعانىڭ بارلىق ءمان-جايىن انىقتاۋعا باعىتتالعان قاجەتتى شارالار جۇرگىزىلىپ جاتىر. قر قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى»، — دەلىنگەن ءباسپاسوز قىزمەتىنىڭ حابارلاماسىندا.
قازىرگى ۋاقىتتا مارقۇمداردىڭ كىم ەكەنى انىقتالۋ ۇستىندە. تەكسەرۋ شارالارى جالعاسۋدا.
