جەلىدە پايعامباردى تۇسىمدە كوردىم دەگەن نازەركە ەسىمدى قىزدىڭ حيدجابىن شەشىپ تاستاپ، ءتۇرلى بوقاۋىز سويلەگەن ۆيدەوسى تارادى، دەپ حابارلايدى “ادىرنا” ۇلتتىق پورتالى.
بىرنەشە اي بۇرىن پايعامباردى تۇسىمدە كوردىم دەپ، ءوزىنىڭ دىنگە كەلگەن جولىن، ورامالى ءۇشىن اتا-اناسىنا قارسى شىققانىن ايتقان نازەركە ەسىمدى قىزدىڭ حيدجابىن شەشكەنى تارادى.
بويجەتكەن مۇنداي شەشىمگە ۇقك وكىلدەرىنىڭ كومەگىمەن كەلگەنىن ايتقان.
تىكەلەي ەفيردە وتىرعان 500-دەن استام كىسىنىڭ ءبىر بولىگى “ساتقىن، ءدىنىڭدى ساتتىڭ!”، “سەنىكى حايپ بولدى”، “مۇسىلمان ەمەسسىڭ”، “توزاقتا جاناسىڭ”، “وڭباعان، جەزوكشەسىڭ”، “دىنگە كۇيە جاقپا”، “بۇعان جىن كىرگەن”، “كاپىر” دەپ پىكىر جازسا، ەندى بىرىلەرى بوتاداي بوزداپ وتىرعان قىزدىڭ تەلەفون ءنومىرىن سۇراپ، “دەمالايىق” دەگەن ماعىنادا پىكىرىن قارشا بوراتۋدا.
“مەن اركىمنىڭ تۋلاعىنداي يلەنبەي، تازا ءومىر ءسۇرۋ ءۇشىن، بالالارىمنىڭ ءجۇزى تومەن بولماۋى ءۇشىن وسى قادامعا باردىم. يمانىم دا، ءدىنىم دە — جۇرەگىمدە. مەن نامىسىن تاپتاتپاعان قازاقتىڭ قىزىمىن. وسىنى بىلىڭىزدەر! ەشكىمنىڭ يمانى سىرتقى كيىمىمەن ولشەنبەيدى” دەگەن ول ايەل رەتىندە ءوزiن باسقالاردىڭ ءتۇسىنۋىن ءوتىندى.
ەستەرىڭىزگە سالا كەتەيىك، بۇعان دەيىن بيۋتي-بلوگەر ءسانيا ءىلياسوۆانىڭ دا ورامالدان باس تارتقانىن جازعان بولاتىنبىز.
