ارمەنيا پرەمەر-ءمينيسترى نيكول پاشينيان ارمەنيانىڭ ۇجىمدىق قاۋىپسىزدىك شارت ۇيىمىنان (ۇقشۇ) شىعۋ نيەتىن راستادى، دەپ حابارلايدى “ادىرنا” ۇلتتىق پورتالى تاسس اگەنتتىگىنە سىلتەپ.
«ءبىز شىعامىز، مەنى وسىمەن قورقىتاسىزدار با؟ بىزدە ءبارى جاقسى، كەتكەندە شەشەمىز. كەلەسى قادام قانداي دەپ ويلايسىز، قايتىپ ورالامىز با؟ ۋايىمداماڭىزدار»، - دەدى پاشينيان سارسەنبى كۇنى ارمەنيا پارلامەنتىنىڭ وتىرىسىندا وپپوزيتسيالىق دەپۋتاتتىڭ ۇقشۇ-دان شىعۋ قاجەتتىلىگى تۋرالى سوزىنە جاۋاپ بەرىپ.
بۇل مالىمدەمە پرەمەر-مينيستر ۇقشۇ قۇرۋشىلارىن ارمەنياعا قارسى سوعىس جوسپارلاپ وتىر دەپ ايىپتاعاننان كەيىن ايتىلدى.
«وسىنىڭ بارلىعىنا اليانستى قۇرعاندار، بىزگە جانە ازىربايجانعا قارسى سوعىستى جوسپارلاعاندار كىنالى»، - دەدى پاشينيان.
ەسكە سالايىق، اقپان ايىندا پاشينيان فرانتسۋز تەلەارناسىنا بەرگەن سۇحباتىندا ارمەنيانىڭ ۇقشۇ مۇشەلىگىن توقتاتقانىن ايتقان بولاتىن.
