رەسەيدىڭ امۋر وبلىسىندا وقۋ-جاتتىعۋ ۇشۋى كەزىندە تۋ-95 اسكەري ۇشاعى اپاتقا ۇشىرادى، دەپ حابارلايدى "ادىرنا" ءتىلشىسى caliber-گە سىلتەپ.
وقيعا سالدارىنان ەكيپاجدىڭ التى مۇشەسى قازا تاۋىپ، ءبىر ادام جاراقات الدى. بۇل تۋرالى رەسەي قورعانىس مينيسترلىگى حابارلادى.
ۆەدومستۆونىڭ مالىمەتىنشە، ۇشاق بورتىندا وق-ءدارى بولماعان.
الدىن الا اقپارات بويىنشا، ۇشاق ۋكراينا اسكەري اۋەايلاعىنان ۇشىپ شىققاننان كەيىن كوپ ۇزاماي كراسنوياروۆو اۋىلى ماڭىندا اپاتقا ۇشىراعان. الدىن الا بولجام بويىنشا، اپاتقا تەحنيكالىق اقاۋ سەبەپ بولۋى مۇمكىن.
وقيعاعا بايلانىستى رەسەي قىلمىستىق كودەكسىنىڭ «ۇشۋ نەمەسە وعان دايىندىق ەرەجەلەرىن بۇزۋ» بابىمەن قىلمىستىق ءىس قوزعالعان.
بۇعان دەيىن الەۋمەتتىك جەلىلەردە اپاتقا ۇشىراعان ۇشاقتىڭ تۋ-95مس ستراتەگيالىق بومبالاۋشى ۇشاعى بولۋى مۇمكىن دەگەن اقپارات تاراعان. الايدا بۇل مالىمەت ازىرگە رەسمي تۇردە ناقتىلانبادى.
وقيعانىڭ ءمان-جايى انىقتالىپ جاتىر.
