دۋشانبەدە تاكسي قىزمەتىن ۇسىناستىن بارلىق كومپانيا ەلەكتروموبيلگە كوشۋى كەرەك، دەپ حابارلايدى "ادىرنا" ۇلتتىق پورتالى.
2025 جىلدىڭ 1 قىركۇيەگىنە دەيىن دۋشانبەدە تاكسي قىزمەتىن ۇسىناتىن بارلىق كومپانيالار تولىعىمەن ەلەكتروموبيلدى پايدالانۋعا كوشۋى ءتيىس. بۇل تۋرالى دۋشانبەنىڭ مەرى رۋستام ەموماليدىڭ 4 ماۋسىمدا قول قويعان جارلىعىندا قامتىلعان.
قۇجاتتا قالالىق كولىك باسقارماسى مەن ەلوردانىڭ مەملەكەتتىك اۆتوينسپەكتسياسى جولاۋشى تاسىمالداۋشىلارعا ەلەكتر كولىك جۇيەسىنە كوشۋ بارىسىندا كومەك كورسەتەتىنى ايتىلعان.
فەرعانا اگەنتتىگىنىڭ مالىمەتىنشە، دۋشانبە اكىمدىگى بۇل شەشىم ەلەكتروموبيلدەر يمپورتىنىڭ كولەمىنىڭ ارتۋى اياسىندا قابىلدانعان. 2021 جىلى رەسپۋبليكاعا تەك 47 ەلەكترو كولىك اكەلىنسە، 2022 جىلى - قازىردىڭ وزىندە 767 كولىكتىڭ بار ەكەنى انىقتالىپ وتىر.
تاجىكستان 2032 جىلعا دەيىن رەسپۋبليكاعا ەلەكتروموبيل اكەلەتىن كاسىپكەرلەرگە جەڭىلدىكتەر قاراستىرىلعانى بەلگىلەنگەن. ولار كەدەندىك باجداردان، سالىقتاردان جانە اكتسيزدەردەن بوساتىلعان.
الايدا ەل جۇرگىزۋشىلەرىنىڭ ايتۋىنشا، «جاسىل» كولىكتەرگە جانارماي قۇيۋ ستانتسيالارىنىڭ جەتىسپەۋشىلىگى بار.
