Atyraýǵa Qytaıdyń shyǵys jaǵalaýyndaǵy Lıanıýngan iri portynan gýmanıtarlyq kómek keldi, dep habarlaıdy "Adyrna" ulttyq portaly.
Kómek 10 maýsymda Atyraýǵa jetken.
Atyraý oblysynyń Tótenshe jaǵdaılar jónindegi jedel shtaby Qytaı men Qazaqstan uzaq dostyq tarıhy bar órkenıetti memleketter ekenin jetkizdi.
"Lıanıýngan men Atyraý bir-birinen alys bolsa da, halyqtardyń qarym-qatynasyna kedergi keltirmeıdi. Keıbir sebepterge baılanysty bizdiń gýmanıtarlyq kómek sál keshigip qaldy. Biraq bul sizdiń elge qamqorlyq kórsetý nıetimizge kedergi emes. Búgin men Lıanıýngan portynyń atynan gýmanıtarlyq kómekti Atyraý qalasynyń áleýmettik damý qoryna tapsyramyn”, – dedi Ortalyq Azııadaǵy Lıanıýngan portynyń ókildiginiń dırektory Chjao Veı.
Oblystaǵy sý tasqynynan zardap shekkenderge Lıanıýngan qalasynan shatyrlar, tósek-oryn jabdyqtary, qolǵaptar, rezeńke etikter, kúrekter men ylǵal sińiretin quraldar jetkizildi.
