ديماش قۇدايبەرگەن 8 ماۋسىم كۇنى قىتايدىڭ باستى تەلەارناسىنداعى جوباعا قاتىستى، دەپ حابارلايدى "ادىرنا" ۇلتتىق پورتالى.
قازاقستاندىق ءانشى CCTV-1 ارناسى قىتايدىڭ ورتالىق راديو جانە تەلەديدارى مادەنيەت جانە تۋريزم مينيسترلىگىمەن بىرلەسە وتىرىپ، قىتاي مەن باسقا دا شەتەلدەر اراسىنداعى كەڭ اۋقىمدى حالىقارالىق مادەني الماسۋ ماقساتىندا جۇزەگە اسىرعان "سۇلۋلىق پەن ۇيلەسىمدىلىك" جوباسىندا ونەر كورسەتتى.
"مۋزىكا شەكارالاردى، ال مادەنيەت كوپىرلەردى باعىندىردى. اۋەن باستالعاندا، مەنىڭ انىمنەن كۇش پەن قايراتتىڭ لەبى سەزىلىپ تۇرادى دەگەن ۇمىتتەمىن", – دەپ جىلى لەبىزبەن ديماش جانكۇيەرلەرىن باعدارلامانى تاماشالاۋعا شاقىردى.
حالىقارالىق ىنتىماقتاستىق رەتىندە ءانشى ديماش قىتايدان كەلگەن سۋچجوۋ جاستار سيمفونيالىق وركەسترىنىڭ حورى POLY WeDo سۇيەمەلدەۋىمەن ايگىلى "You Raise Me Up" كومپوزيتسياسىن ۇسىندى.
