قازاقستانعا ەۋروپادان ءۇش كەرقۇلان اكەلىندى. بۇل تۋرالى قازاقستانداعى ۇلىبريتانيا ەلشىلىگى مالىمدەدى، دەپ حابارلايدى “ادىرنا” ۇلتتىق پورتالى.
الداعى ۋاقىتتا چەحيا مەن گەرمانيادان وسىنداي ءتۇز تاعىسىنىڭ تاعى قىرىققا جۋىعىن اكەلۋ جوسپارلانعان.
ەلشىلىكتىڭ حابارلاۋىنشا، دۇنيەجۇزىلىك قورشاعان ورتانى قورعاۋ كۇنىنە وراي ءۇش كەرقۇلان قازاقستانعا ءساتتى جەتكىزىلگەن. بۇل التىن دالا تابيعاتتى قورعاۋ باستاماسىنىڭ اياسىندا جۇزەگە اسىرىلعان.
بەيىمدەلۋ كەزەڭىنەن كەيىن ولاردى دالاعا جىبەرۋ جوسپارلانعان.
چەحيا مەن گەرمانيادان بارلىعى وسىنداي 40 جىلقىنى قازاق دالاسىنا اكەلۋ جوسپارلانعان.
“مۇنداي ماڭىزدى تابيعاتتى قورعاۋ شارالارىنىڭ بۇگىن جۇزەگە اسىرىلىپ جاتقانى كەرەمەت”، – دەلىنگەن ەلشىلىك حابارلاماسىندا.
