ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ رەسەي پرەزيدەنتىنىڭ ءباسپاسوز حاتشىسى دميتري پەسكوۆتىڭ قىزى قازاقستاندا جسن العانىن بىلمەيدى. بۇل تۋرالى بۇگىن سەنات كۋلۋارىندا ايتتى، دەپ حابارلايدى “ادىرنا” ۇلتتىق پورتالى Azattyq.ryqy سايتىنا سىلتەپ.
بۇگىن سەنات كۋلۋارىندا جۋرناليستەر قوجاەۆتان ءپۋتيننىڭ ءباسپاسوز حاتشىسى دميتري پەسكوۆتىڭ قىزى قازاقستاننىڭ جەكە سايكەستەندىرۋ ءنومىرىن قاشان العانىن سۇرادى. الايدا، ول بىلمەيتىن بولىپ شىقتى.
«ەندى مەن ول كىسىنىڭ قاي ۋاقىتتا العانىن قاداعالاپ وتىرادى دەيسىز بە؟ العان دا شىعار! ول پەسكوۆتىڭ قىزى ما، باسقا بىرەۋ مە، الا بەرەدى عوي»، - دەدى قوجاەۆ.
ەسكە سالايىق، بۇعان دەيىن رەسەي پرەزيدەنتىنىڭ ءباسپاسوز حاتشىسى دميتري پەسكوۆتىڭ قىزى قازاقستاندا جسن العانىن حابارلادىق.
