پرەزيدەنت جانىنان جاڭا قىزمەت قۇرىلدى

1637
Adyrna.kz Telegram

قازاقستان رەسپۋبليكاسىنىڭ پرەزيدەنتى جانىنداعى "ورتالىق كوممۋنيكاتسيالار قىزمەتى" رەسپۋبليكالىق مەملەكەتتىك مەكەمەسىن قۇرۋ جانە قازاقستان رەسپۋبليكاسى پرەزيدەنتىنىڭ كەيبىر جارلىقتارىنا وزگەرىس پەن تولىقتىرۋلار ەنگىزدى، - دەپ حابارلايدى adyrna.kz ءتىلشىسى اقوردا سايتىنا سىلتەمە جاساپ.

"قازاقستان رەسپۋبليكاسىنىڭ پرەزيدەنتى تۋرالى» قازاقستان رەسپۋبليكاسىنىڭ 1995 جىلعى 26 جەلتوقسانداعى كونستيتۋتسيالىق زاڭىنىڭ 33-بابىنا سايكەس قاۋلى ەتتى: نۇر-سۇلتان قالاسىندا قازاقستان رەسپۋبليكاسىنىڭ پرەزيدەنتى جانىنداعى «ورتالىق كوممۋنيكاتسيالار قىزمەتى» رەسپۋبليكالىق مەملەكەتتىك مەكەمەسى (بۇدان ءارى – مەكەمە) قۇرىلسىن. مەكەمەنىڭ شتات سانى 33 بىرلىك مولشەرىندە بەلگىلەنسىن. قازاقستان رەسپۋبليكاسى پرەزيدەنتىنىڭ اكىمشىلىگى مەكەمەگە قاتىستى ۋاكىلەتتى ورگان بولىپ ايقىندالسىن.  قازاقستان رەسپۋبليكاسىنىڭ پرەزيدەنتى مەكەمە ديرەكتورىن قىزمەتكە تاعايىندايدى جانە قىزمەتتەن بوساتادى دەپ بەلگىلەنسىن. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ "ورتالىق كوممۋنيكاتسيالار قىزمەتى" رەسپۋبليكالىق مەملەكەتتىك مەكەمەسىن، ونىڭ مۇلكىن مەكەمەگە بەرە وتىرىپ، تاراتسىن; ءبىر اي مەرزىمدە مەكەمەنىڭ جارعىسىن ازىرلەپ، بەلگىلەنگەن تارتىپتە بەكىتۋگە ەنگىزسىن; مەكەمەنىڭ مەملەكەتتىك تىركەلۋىن قامتاماسىز ەتسىن; وسى جارلىقتان تۋىندايتىن وزگە دە شارالاردى قابىلداسىن.

قازاقستان رەسپۋبليكاسى پرەزيدەنتىنىڭ ءىس باسقارماسى قازاقستان رەسپۋبليكاسى قارجى مينيسترلىگىمەن بىرلەسىپ، مەكەمەنى ورنالاستىرۋ ءۇشىن قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ءۇي-جاي ءبولۋدى قامتاماسىز ەتسىن. وسى جارلىققا قوسىمشاعا سايكەس قازاقستان رەسپۋبليكاسى پرەزيدەنتىنىڭ كەيبىر جارلىقتارىنا وزگەرىس پەن تولىقتىرۋلار ەنگىزىلسىن.

"ادىرنا" ۇلتتىق پورتالى

پىكىرلەر