اقتوبەدە اۋتيزممەن اۋىراتىن بالا جوعالىپ كەتتى، دەپ حابارلايدى “ادىرنا” ۇلتتىق پورتالى.
«2024 جىلعى 4 ماۋسىمدا ساعات 16.40-تا اقتوبە قالاسىندا كامەلەتكە تولماعان جەترۋ كارىم ەسىمدى بالانىڭ جوعالىپ كەتۋىنە بايلانىستى سوتقا دەيىنگى تەرگەپ-تەكسەرۋ امالدارى باستالىپ، ونىڭ اياسىندا جۇرگەن جەرىن انىقتاۋعا باعىتتالعان جەدەل-ىزدەستىرۋ شارالارى جۇرگىزىلۋدە»، - دەدى اقتوبە قالالىق ءىىب باستىعى اسەت قاليەۆ.
بالانى ىزدەۋگە 500-گە جۋىق ادام جۇمىلدىرىلعان، ونىڭ ىشىندە پوليتسيا قىزمەتكەرلەرى، توتەنشە جاعدايلار قىزمەتىنىڭ قىزمەتكەرلەرى، ەرىكتىلەر، سونداي-اق قىزمەتتىك يتتەر مەن 40 تەحنيكا، ءۇش كۆادروتسيكل، ەكى قايىق، ءتورت جىلقى، ۇشقىشسىز ۇشۋ اپپاراتتارى قولدانىلۋدا.
«پوليتسياعا جۇگىنگەن ساتتەن باستاپ ءبىر ۋاقىتتا ۇيلەردىڭ شاتىرلارى مەن اۋلالارى، كارىزدىك ليۋكتەر، قوقىس شۇڭقىرلارى، دالا، ونىڭ ىشىندە ورمان القاپتارى تەكسەرىلۋدە»، - دەلىنگەن حابارلامادا.
حابارلانعانداي، مۇنىمەن قاتار قوعامدىق تاماقتاندىرۋ ورىندارى، دۇكەندەر مەن ساۋدا ورتالىقتارى دا تەكسەرۋدەن ءوتىپ، باعدار كورسەتىپ جاتىر.
