سىبايلاس جەمقورلىققا قارسى قىزمەت "جەتىسۋ" فۋتبول كلۋبىنىڭ ديرەكتورى قالمۇحامەت دوڭسەباەۆتىڭ ۇستالعانى جايلى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
وعان بيۋدجەتتىڭ 85,4 ملن تەڭگە كولەمىندە قاراجاتىن ۇرلادى دەگەن ايىپ تاعىلعان. تەرگەۋ مالىمەتتەرى بويىنشا، كۇدىكتى بۇل اقشانى 2022-2023 جىلدارى ۇرلاعان. سوما وقۋ-جاتتىعۋ جيىندارىنا بولىنگەن.
«سوتتىڭ سانكتسياسىمەن كۇدىكتى قاماۋعا الىندى. قىلمىستىق ارەكەتتىڭ باسقا ەپيزودتارى تەكسەرىلەدى. تەرگەۋ جالعاسىپ جاتىر»، - دەپ حابارلادى انتيكور.
بۇعان دەيىن "جەتىسۋ" فۋتبول كلۋبىنىڭ ديرەكتورى قالمۇحامەت دوڭسەباەۆتىڭ قاماۋعا الىنعانى تۋرالى اقپارات تاراعان بولاتىن.
اقپاراتتى جەتىسۋ وبلىستىق سوتىنىڭ ءباسپاسوز قىزمەتى راستادى. وندا تەرگەۋ ورگاندارىنىڭ 2 اي مەرزىمگە دوڭسەباەۆقا قاتىستى قاماۋدا ۇستاۋعا سانكتسيا بەرۋ تۋرالى ءوتىنىشى قاناعاتتاندىرعانىن حابارلاندى.
