قازاقستان پرەزيدەنتى جاپونيانىڭ پرەمەر-ءمينيسترى سيندزو ابەگە كوڭىل ايتۋ جەدەلحاتىن جولدادى. مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان كيوتو قالاسىندا انيماتسيالىق ستۋديادا بولعان ءورت سالدارىنان كوپتەگەن ادامنىڭ قازا بولۋىنا بايلانىستى كوڭىل ايتتى.
"قازا بولعانداردىڭ تۋىستارى مەن جاقىندارىنىڭ قايعىسىنا ورتاقتاسىپ كوڭىل ايتامىن. ءورت سالدارىنان زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن", - دەلىنگەن جەدەلحاتتا.
"ادىرنا" ۇلتتىق پورتالى
