ۋكراينا پرەزيدەنتى قىتايدى بەيبىتشىلىك سامميتىنە قاتىستى ايىپتادى، دەپ حابارلايدى "ادىرنا" ۇلتتىق پورتالى.
Gazeta.ru حابارلاۋىنشا ۆلاديمير زەلەنسكي قىتايدىڭ بەيبىتشىلىك سامميتىنە كوپتەگەن ەلدەردىڭ وكىلدەرىنىڭ كەلۋىنە جول بەرمەۋگە تىرىسىپ جاتقانىن سينگاپۋردە وتكەن كونفەرەنتسيادا ايتتى.
«رەسەي بۇگىندە الەمنىڭ كوپتەگەن ەلدەرىن ارالاپ، ازىق-تۇلىك ونىمدەرىن، اۋىلشارۋاشىلىق ونىمدەرىن نەمەسە حيميكاتتارىن شەكتەپ، ەنەرگيا باعاسىنا قاۋىپ توندىرىتەنىمەن قورقىتۋدا. رەسەي الەمنىڭ باسقا مەملەكەتتەرىنە سامميتكە كەلمەۋ ءۇشىن قىسىم كورسەتىپ جاتىر. ودان بولەك، بەيبىتشىلىك ءسامميتىن ديپلوماتيالىق جولمەن بۇزۋدا كەيبىر مەملەكەتتەردىڭ رەسەيگە كومەكتەسە باستاعانى تۋرالى دا اقپارات بار»، - دەدى ۋكراينا پرەزيدەنتى زەلەنسكي.
پرەزيدەنت قىتاي ەلىنىڭ دە مۇنداي ارەكەتكە بارعانىن اتاپ ءوتتى.
"قىتاي وكىنىشكە وراي، كەرىسىنشە – ەلدەردىڭ بەيبىتشىلىك سامميتىنە كەلۋىنە جول بەرمەۋ ءۇشىن جۇمىس ىستەپ جاتىر. بۇل تەك رەسەيدى قولداۋ ەمەس، شىن مانىندە سوعىستى قولداۋ»، - دەپ ءتۇسىندىردى زەلەنسكي.
ايتا كەتەيىك، 31 مامىر كۇنى قىتايدىڭ بەيبىتشىلىك سامميتىنە قاتىسپايتىنى بەلگىلى بولعان.
