جەتىسۋ وبلىسى، كەربۇلاق اۋدانى، مالايسارى ۆوكزالىندا ۆاگون تسيستەرناسىندا ديامەترى 25 ميلليمەتر بولاتىن اپاتتىق كلاپاننان كۇكىرت قىشقىلىنىڭ توگىلۋى انىقتالدى، - دەپ حابارلايدى “ادىرنا” ۇلتتىق پورتالى قر توتەنشە جاعدايلار مينيسترلىگىنە سىلتەمە جاساپ.
«قۇتقارۋشىلار جەرگىلىكتى تۇرعىن ۇيلەردەن 46 اۋىل تۇرعىنىن ەرتەرەك ەۆاكۋاتسيالادى، ۆاگون تسيستەرناسىن سالقىنداتۋ جۇمىستارى جۇرگىزىلدى»، - دەلىنگەن ۆەدومستۆونىڭ حابارلاماسىندا.
ايتا كەتەيىك، توتەنشە جاعدايلار مينيسترلىگى باستاپقىدا 46 ۇيدەن تۇرعىنداردى كوشىرۋ تۋرالى حابارلاعان بولاتىن. الايدا، كەيىن مينيسترلىك دەرەكتەردى تۇزەتىپ، اقپاراتتىق بيۋللەتەن ءماتىنىن وزگەرتتى.
قۇرباندار مەن زارداپ شەككەندەر جوق. تۇرعىنداردىڭ ءومىرى مەن دەنساۋلىعىنا قاۋىپ ءتونىپ تۇرعان جوق، دەپ سەندىردى توتەنشە جاعدايلار مينيسترلىگى.
ەسكە سالا كەتەيىك، مامىر ايىنىڭ سوڭىندا اقمولا وبلىسىنداعى تەمىرجول جولدارىندا كۇكىرت قىشقىلى توگىلگەن بولاتىن. اتالمىش جايتتان كەيىن التى ادام ەۆاكۋاتسيالاندى.
