قتج اسكەريلەندىرىلگەن تەمىرجول كۇزەتىنىڭ جەتەكشىلەرى سوتتالدى. بۇل تۋرالى بۇگىن، 31 مامىردا انتيكوردىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«استانا قالاسىنىڭ قىلمىستىق ىستەر جونىندەگى اۋدانارالىق سوتى «اسكەريلەندىرىلگەن تەمىرجول كۇزەتى» جشس باس ديرەكتورى ب. ناحانوۆقا، ونىڭ ورىنباسارى ا. مۇقاتاەۆاعا جانە مەنەدجەر ر. سيديكوۆقا قاتىستى ۇكىم شىعاردى.
ولار بەينەباقىلاۋ جابدىقتارىن ساتىپ الۋعا بولىنگەن 159,4 ملن تەڭگە سوماسىنا اقشا جىمقىرعانى ءۇشىن كىنالى دەپ تانىلدى.
سونداي-اق ناحانوۆ اسكەريلەندىرىلگەن تەمىرجول كۇزەتىنىڭ جۇرگىزۋشىسى رەتىندە ادامدى جۇمىسقا ورنالاستىرۋ ارقىلى لاۋازىمدىق وكىلەتتىكتەرىن اسىرا پايدالانعانى ءۇشىن سوتتالدى»،—دەلىنگەن حابارلامادا.
سوت ۇكىمىمەن ناحانوۆقا 8 جىل باس بوستاندىعىنان ايىرۋ جازاسى تاعايىندالدى.
سول ۇكىممەن مۇقاتاەۆا مەن سيديكوۆ 7 جىلعا باس بوستاندىعىنان ايىرىلدى.
اتالعان ادامدار مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى.
ۇكىم زاڭدى كۇشىنە ەنگەن جوق.
