فۋتبولدان قازاقستان ۇلتتىق قۇراماسىنىڭ باس باپكەرى ماگومەد اديەۆ قىزمەتىنەن كەتتى. بۇل تۋرالى بۇگىن، 31 مامىردا فەدەراتسياسىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ فۋتبول ۇيىندە قازاقستان ۇلتتىق قۇراماسىنىڭ جاتتىقتىرۋشىلار شتابىمەن كەزدەسۋ وتكىزدى. باس باپكەر ماگومەد اديەۆ مۇنداي شەشىمدى وتباسىلىق جاعدايىنا بايلانىستى قابىلداعانىن العا تارتىپ، قىزمەتىنەن كەتتى. قفف مۇنداي باعىتقا دا دايىن بولدى جانە كەلەسى اپتانىڭ باسىندا جاڭا باپكەردى تاڭدايدى»،—دەلىنگەن حابارلامادا.
ايتا كەتەيىك، ماگومەد اديەۆ فۋتبولدان قازاقستان قۇراماسىنىڭ باس باپكەرى قىزمەتىنە 2022 جىلى تاعايىندالعان ەدى.
