حالىقارالىق شانحاي كينوفەستيۆالى نەگىزگى حالىقارالىق كونكۋرسقا ىرىكتەلىنىپ الىنعان فيلمدەردىڭ ءتىزىمىن جاريالادى. بيىلعى 26-شى حالىقارالىق شانحاي كينوفەستيۆالىنىڭ نەگىزگى كونكۋرسىندا قازاقستان تاراپىنان رەجيسسەر دانيار سالاماتتىڭ بەيىمبەت ءمايليننىڭ شىعارمالارى جەلىسىمەن تۇسىرىلگەن «تالاق» ءفيلمى باق سىنايتىنى انىقتالدى، دەپ حابارلايدى “ادىرنا” ۇلتتىق پورتالى kazgazeta.kz سايتىنا سىلتەپ.
كەشە، 29 مامىر 2024 جىلى حالىقارالىق شانحاي كينوفەستيۆالى نەگىزگى حالىقارالىق كونكۋرسقا ىرىكتەلىنىپ الىنعان فيلمدەردىڭ ءتىزىمىن جاريالادى. بيىلعى 26-شى حالىقارالىق شانحاي كينوفەستيۆالىنىڭ نەگىزگى كونكۋرسىندا قازاقستان تاراپىنان رەجيسسەر دانيار سالاماتتىڭ «تالاق» ءفيلمى باق سىنايتىنى انىقتالدى. ونان بولەك فرانتسيا، ارگەنتينا، يسپانيا، گەرمانيا، يران، قىتاي سەكىلدى ەلدەردەن جيىنى 14 فيلم سىنعا تۇسەدى. فەستيۆال ماۋسىم ايىنىڭ 14-23 ارالىعىندا وتەدى.
فيلمگە قازاق دالاسىنداعى وتكەن جۇزجىلدىقتىڭ جىرماسىنشى جىلدارىنداعى وقيعا ارقاۋ بولادى. جاپپاي ۇجىمداستىرۋ باستالعان كەز، «ءسوتسياليزمنىڭ» ىزعارى ەسىپ تۇرعان كەزەڭ. ءتۇرلى ۇراندار دا جەلدەي ەسەدى. سونىڭ ءبىرى - «ايەلدەرگە بوستاندىق». وسى ۇراندى جەلەۋ قىلعانداردىڭ سالقىنى سان جۇرتقا تيەدى. «تالاق» ءسوزى فيلمدە مۇسىلمان زاڭدىلىعىمەن اجىراسۋدى عانا بىلدىرمەيدى، سول كەزەڭدەگى قازاق ومىرىندەگى ومىر ءسۇرۋ تارتىبىنەن، داستۇرىنەن، كوشپەندى ومىرىنەن ەرىكسىز اجىراۋىن دا مەڭزەيدى. باستىسى، حالىق «بوستاندىق» دەگەن ۇرانمەن بوستاندىعىنان اجىراپ بارا جاتقان ەدى...
ايتا كەتسەك، حالىقارالىق شانحاي كينوفەستيۆالىنىڭ باستى بايقاۋىنا بارلىعى 14 كينوتۋىندى ىرىكتەلىنىپ الىندى. ولاردىڭ ىشىندە ارگەنتينا، گەرمانيا، يران، يسپانيا، قىتاي، رەسەي سىندى باسقا دا مەملەكەتتەردىڭ فيلمدەرى بار.
وسىمەن 26-ءشى رەت وتكىزىلەتىن حالىقارالىق شانحاي كينوفەستيۆالى 2024 جىلى ماۋسىمنىڭ 14-ءى مەن 23-ءى ارالىعىندا وتەدى.
«تالاق» ءفيلمى قر مادەنيەت جانە اقپارات مينيسترلىگىڭ تاپسىرىسى بويىنشا ۇلتتىق كينونى قولداۋ مەملەكەتتىك ورتالىعىنىڭ دەمەۋىمەن جارىق كوردى.
