Halyqaralyq Shanhaı kınofestıvali negizgi halyqaralyq konkýrsqa iriktelinip alynǵan fılmderdiń tizimin jarııalady. Bıylǵy 26-shy Halyqaralyq Shanhaı kınofestıvaliniń negizgi konkýrsynda Qazaqstan tarapynan rejısser Danııar Salamattyń Beıimbet Maılınniń shyǵarmalary jelisimen túsirilgen «Talaq» fılmi baq synaıtyny anyqtaldy, dep habarlaıdy “Adyrna” ulttyq portaly kazgazeta.kz saıtyna siltep.
Keshe, 29 mamyr 2024 jyly Halyqaralyq Shanhaı kınofestıvali negizgi halyqaralyq konkýrsqa iriktelinip alynǵan fılmderdiń tizimin jarııalady. Bıylǵy 26-shy Halyqaralyq Shanhaı kınofestıvaliniń negizgi konkýrsynda Qazaqstan tarapynan rejısser Danııar Salamattyń «Talaq» fılmi baq synaıtyny anyqtaldy. Onan bólek Franııa, Argentına, Ispanııa, Germanııa, Iran, Qytaı sekildi elderden jıyny 14 fılm synǵa túsedi. Festıval maýsym aıynyń 14-23 aralyǵynda ótedi.
Fılmge Qazaq dalasyndaǵy ótken júzjyldyqtyń jyrmasynshy jyldaryndaǵy oqıǵa arqaý bolady. Jappaı ujymdastyrý bastalǵan kez, «soıalızmniń» yzǵary esip turǵan kezeń. Túrli urandar da jeldeı esedi. Sonyń biri - «áıelderge bostandyq». Osy urandy jeleý qylǵandardyń salqyny san jurtqa tıedi. «Talaq» sózi fılmde musylman zańdylyǵymen ajyrasýdy ǵana bildirmeıdi, sol kezeńdegi qazaq ómirindegi ómir súrý tártibinen, dástúrinen, kóshpendi ómirinen eriksiz ajyraýyn da meńzeıdi. Bastysy, halyq «bostandyq» degen uranmen bostandyǵynan ajyrap bara jatqan edi...
Aıta ketsek, Halyqaralyq Shanhaı kınofestıvaliniń basty baıqaýyna barlyǵy 14 kınotýyndy iriktelinip alyndy. Olardyń ishinde Argentına, Germanııa, Iran, Ispanııa, Qytaı, Reseı syndy basqa da memleketterdiń fılmderi bar.
Osymen 26-shi ret ótkiziletin Halyqaralyq Shanhaı kınofestıvali 2024 jyly maýsymnyń 14-i men 23-i aralyǵynda ótedi.
«Talaq» fılmi QR Mádenıet jáne aqparat mınıstrligiń tapsyrysy boıynsha Ulttyq kınony qoldaý memlekettik ortalyǵynyń demeýimen jaryq kórdi.
