27 مامىر كۇنى تاجىكستان جوعارعى سوتىنىڭ سايتىندا قىزمەتىنە تىيىم سالىنعان قوزعالىستار، پارتيالار مەن ۇيىمداردىڭ ءتىزىمى جاريالاندى، دەپ حابارلايدى “ادىرنا ۇلتتىق پورتالى تاجىكستان جوعارعى سوتىنىڭ رەسمي سايتىنا سىلتەپ.
تىزىمگە ەنگىزىلگەن 29 ۇيىم تەرروريستىك-ەكسترەميستىك دەپ تانىلعانى اتاپ ءوتىلدى. ءتىزىم باسىندا 16 جىل بويى بۇرىنعى كسرو اۋماعىندا رەسمي تۇردە جۇمىس ىستەپ تۇرعان جالعىز ءدىني پارتيا بولعان تاجىكستاننىڭ يسلامدىق قايتا ورلەۋ پارتياسى تۇر. 2015 جىلى وعان ەلدىڭ بۇرىنعى قورعانىس ءمينيسترىنىڭ ورىنباسارى ابدۋحاليم نازارزودانىڭ ىقپالىمەن اسكەري بۇلىك ۇيىمداستىردى دەگەن ايىپ تاعىلدى، سودان كەيىن تاجىكستاننىڭ جوعارعى سوتى پارتيانى تەرروريستىك ەكسترەميستىك ۇيىم دەپ تانىدى. ارى قاراي تىزىمدە:
2. ءال-قايدا*;
3. «شىعىس تۇركىستاننىڭ يسلامدىق قوزعالىسى»;
4. «تۇركىستان يسلام پارتياسى»* (بۇرىنعى «وزبەكستان يسلام قوزعالىسى»)*;
5. تاليبان قوزعالىسى*;
6. «مۇسىلمان باۋىرلار»*;
7. «لاشكار-ە-تايبا»*;
8. «يسلامدىق توپ»* («دجاميات-ە-يسلام-ي پاكىستان»)*;
9. جاميات-ە-تابليع;
10. «ءسوزموني تابليگوت»;
11. «ەركىن تاجىكستان»;
12. «حيزبي تاحرير»;
13. «حيزب-ۋت-تاحرير»*;
14. «سالافيا» ءدىني قوزعالىسى;
15. «انسورۋللاھ»;
16. «24-توپ» قوعامدىق قوزعالىسى;
17. «يسلام مەملەكەتى» ۇيىمى* («يراك جانە شوم يسلام مەملەكەتى»*);
18. «دجابحات-ن-نۋسرا»* («دجابحات ان-نۋسرا»);
19. «تاجىكستان ۇلتتىق اليانسى»;
20. «قاسيەتتى سوعىس»* («ءال-دجيحاد»*, «ەگيپەتتىك يسلام جيھادى»*);
21. «الەۋمەتتىك رەفورمالار قوعامى»* («دجاميات-ال يسلوح ءال-يجتيموي»*);
22. «يسلام مۇراسىن جاڭعىرتۋ قوعامى»* («دجاميات يحيو ات تۋراز ءال-يسلامي»*);
23. «ەكى اۋليەنىڭ ءۇيى»* («ءال-حاراماين»*);
24. «دجۋند اش-شوم»* («ۇلكەن سيريا ارمياسى»*);
25. «يسلامدىق جيھاد – مودجاحەدتەر جاماعاتى» *;
26. «يەگوۆا كۋاگەرلەرى» ەكسترەميستىك قوعامداستىعى**;
27. «Pamir Daily News» نەمەسە «Pamir News»;
28. «حۋروسون ايماعىنىڭ يسلام مەملەكەتى»;
29. «جاڭا تاجىكستان 2» ۇيىمدارى تۇر.
جوعارعى سوت قىلمىستىق كودەكستە، اتاپ ايتقاندا، 307-307.4-باپتارىندا تىيىم سالىنعان نەمەسە تاراتىلعان ساياسي پارتيانىڭ، ءدىني بىرلەستىكتىڭ نەمەسە وزگە دە ۇيىمنىڭ قىزمەتىن ۇيىمداستىرعانى ءۇشىن بيلىك تاراپىنان 7 جىلدان 10 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا بەلگىلەنگەنىن ەسكە سالدى. مۇنداي ۇيىمنىڭ قىزمەتىنە قاتىسقانى جانە وعان كەز كەلگەن قولداۋ كورسەتكەنى ءۇشىن، ونىڭ ىشىندە الەۋمەتتىك جەلىلەردە لايك باسىپ، يدەيالاردى تاراتۋ جانە ت.ب. ءىس-ارەكەتتەرگە 5 جىلدان 8 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا بەلگىلەنەتىنى جازىلدى.
«تاجىكستان ەكسترەميزم مەن تەرروريزمگە قارسى كۇرەستىڭ باستاماشىلارىنىڭ ءبىرى بولا وتىرىپ، اۋماقتىق تۇتاستىق پەن مەملەكەتتىك قاۋىپسىزدىكتى بۇزۋعا، بىرلىكتى ىدىراتۋعا جانە ءدىني ارازدىقتى قوزدىرۋعا بايلانىستى شاقىرۋلاردىڭ بارلىق تۇرلەرىن ايىپتايدى. ەل ازاماتتارى ءاربىر ادام كونستيتۋتسيا مەن زاڭداردى ساقتاۋعا، باسقا ادامداردىڭ قۇقىقتارىن، بوستاندىقتارىن، ار-نامىسى مەن قادىر-قاسيەتىن قۇرمەتتەۋگە مىندەتتى ەكەنىن ءبىلۋى قاجەت. زاڭداردى بىلمەۋ جاۋاپكەرشىلىكتەن بوساتپايدى»، - دەپ جازدى تاجىكستان جوعارعى سوتى.
