27 mamyr kúni Tájikstan Joǵarǵy sotynyń saıtynda qyzmetine tyıym salynǵan qozǵalystar, partııalar men uıymdardyń tizimi jarııalandy, dep habarlaıdy “Adyrna ulttyq portaly Tájikstan joǵarǵy sotynyń resmı saıtyna siltep.
Tizimge engizilgen 29 uıym terrorıstik-ekstremıstik dep tanylǵany atap ótildi. Tizim basynda 16 jyl boıy burynǵy KSRO aýmaǵynda resmı túrde jumys istep turǵan jalǵyz dinı partııa bolǵan Tájikstannyń Islamdyq Qaıta órleý partııasy tur. 2015 jyly oǵan eldiń burynǵy qorǵanys mınıstriniń orynbasary Abdýhalım Nazarzodanyń yqpalymen áskerı búlik uıymdastyrdy degen aıyp taǵyldy, sodan keıin Tájikstannyń Joǵarǵy soty partııany terrorıstik ekstremıstik uıym dep tanydy. Ary qaraı tizimde:
2. Ál-Qaıda*;
3. «Shyǵys Túrkistannyń ıslamdyq qozǵalysy»;
4. «Túrkistan ıslam partııasy»* (burynǵy «Ózbekstan ıslam qozǵalysy»)*;
5. Talıban qozǵalysy*;
6. «Musylman baýyrlar»*;
7. «Lashkar-e-Taıba»*;
8. «Islamdyq top»* («Djamııat-e-Islam-ı Pákistan»)*;
9. Jamııat-e-Tablıǵ;
10. «Sózmonı tablıgot»;
11. «Erkin Tájikstan»;
12. «Hızbı Tahrır»;
13. «Hızb-ýt-Tahrır»*;
14. «Salafııa» dinı qozǵalysy;
15. «Ansorýllah»;
16. «24-top» qoǵamdyq qozǵalysy;
17. «Islam memleketi» uıymy* («Irak jáne Shom ıslam memleketi»*);
18. «Djabhat-n-Nýsra»* («Djabhat an-Nýsra»);
19. «Tájikstan ulttyq alıansy»;
20. «Qasıetti soǵys»* («Ál-Djıhad»*, «Egıpettik Islam jıhady»*);
21. «Áleýmettik reformalar qoǵamy»* («Djamııat-al Isloh ál-Ijtımoı»*);
22. «Islam murasyn jańǵyrtý qoǵamy»* («Djamııat Ihıo at Týraz ál-Islamı»*);
23. «Eki áýlıeniń úıi»* («Ál-Haramaın»*);
24. «Djýnd ash-Shom»* («Úlken Sırııa armııasy»*);
25. «Islamdyq jıhad – modjahedter jamaǵaty» *;
26. «Iegova kýágerleri» ekstremıstik qoǵamdastyǵy**;
27. «Pamir Daily News» nemese «Pamir News»;
28. «Hýroson aımaǵynyń ıslam memleketi»;
29. «Jańa Tájikstan 2» uıymdary tur.
Joǵarǵy Sot Qylmystyq kodekste, atap aıtqanda, 307-307.4-baptarynda tyıym salynǵan nemese taratylǵan saıası partııanyń, dinı birlestiktiń nemese ózge de uıymnyń qyzmetin uıymdastyrǵany úshin bılik tarapynan 7 jyldan 10 jylǵa deıingi merzimge bas bostandyǵynan aıyrý túrindegi jaza belgilengenin eske saldy. Mundaı uıymnyń qyzmetine qatysqany jáne oǵan kez kelgen qoldaý kórsetkeni úshin, onyń ishinde áleýmettik jelilerde laık basyp, ıdeıalardy taratý jáne t.b. is-áreketterge 5 jyldan 8 jylǵa deıingi merzimge bas bostandyǵynan aıyrý túrindegi jaza belgilenetini jazyldy.
«Tájikstan ekstremızm men terrorızmge qarsy kúrestiń bastamashylarynyń biri bola otyryp, aýmaqtyq tutastyq pen memlekettik qaýipsizdikti buzýǵa, birlikti ydyratýǵa jáne dinı arazdyqty qozdyrýǵa baılanysty shaqyrýlardyń barlyq túrlerin aıyptaıdy. El azamattary árbir adam Konstıtýııa men zańdardy saqtaýǵa, basqa adamdardyń quqyqtaryn, bostandyqtaryn, ar-namysy men qadir-qasıetin qurmetteýge mindetti ekenin bilýi qajet. Zańdardy bilmeý jaýapkershilikten bosatpaıdy», - dep jazdy Tájikstan Joǵarǵy soty.
