گونكونگتەگى تۇرعىن ءۇي كەشەنىندە بولعان اۋقىمدى ءورت سالدارىنان كەمىندە 44 ادام كوز جۇمدى, دەپ حابارلايدى “ادىرنا” ۇلتتىق پورتالى DW-عا سىلتەپ.
بۇل تۋرالى ارنايى اكىمشىلىك اۋدان باسشىسى دجون لي 27 قاراشادا وتكەن ءباسپاسوز ءماسليحاتىندا مالىمدەگەن.
بۇعان دەيىن ەلدە ورتتەن 36 ادامنىڭ قازا تاپقانى تۋرالۆ اقپارات تاراعان.
ۆەدومستۆو مالىمەتىنشە، تاعى 29 ادام اۋرۋحاناعا جەتكىزىلگەن, ولاردىڭ جەتەۋىنىڭ جاعدايى اۋىر دەپ باعالانىپ وتىر.
ءورت سارسەنبى كۇنى تاي پو اۋدانىندا باستالىپ، بامبۋكتان جاسالعان قۇرىلىس تىرەكتەرىنەتاراپ، بىرنەشە بيىك عيماراتقا ورشىگەن. ءورت ءسوندىرۋ قىزمەتىنىڭ دەرەگىنشە، Wang Fuk Court كەشەنىنىڭ سەگىز كورپۋسىنىڭ بەسەۋى ءورت ىشىندە قالعان.
قۇرباندار اراسىندا ءبىر ءورت ءسوندىرۋشى بار. ول ءورتتى ءسوندىرۋ كەزىندە ارىپتەستەرىمەن بايلانىسىن جوعالتقان، كەيىن ونىڭ دەنەسى تابىلدى.
ءورتتىڭ رەسمي سەبەبى انىقتالعان جوق. جەرگىلىكتى تۇرعىندار بۇعان دەيىن قۇرىلىس جۇمىسشىلارىنىڭ جۇمىس كەزىندە تەمەكى شەگەتىنى تۋرالى شاعىمدانعان. پوليتسيا ابايسىزدا كىسى ءولتىرۋ بويىنشا ءۇش ادامدى ۇستادى.
قحر توراعاسى سي تسزينپين قازا تاپقانداردىڭ وتباسىلارىنا كوڭىل ايتىپ، گونكونگ بيلىگىن ءورتتى تەز ارادا اۋىزدىقتاپ، زالالدى ازايتۋعا شاقىردى.
