الماتىدا اليمەنت تولەۋدەن جالتارىپ جۇرگەندەردى قاماۋدا ۇستايتىن ءۇي سالۋ جوسپارلانىپ وتىر. بۇل تۋرالى الماتى اكىمىنىڭ ورىنباسارى ەرلان اۋكەنوۆ قوعامدىق كەڭەستىڭ وتىرىسىندا ايتتى، دەپ حابارلايدى قازاقپارات ءتىلشىسى.
«بىزدە اليمەنت تولەمەيتىندەردى 40 كۇنگە دەيىن قاماۋعا بولاتىن زاڭ بار. قازىر وسى ماسەلەنى زەرتتەپ، انىقتاپ جاتىرمىز. وسىدان ءبىر جىل بۇرىن پروكۋراتۋرانىڭ باستاماسىمەن سەيفۋللين كوشەسىندەگى تەرگەۋ يزولياتورى جابىلعان بولاتىن. قازىر سول عيماراتتى قالا مەنشىگىنە الۋدى قاراستىرىپ جاتىرمىز»، - دەيدى ە.اۋكەنوۆ.
كەزدەسۋ بارىسىندا قوعامدىق كەڭەستىڭ مۇشەلەرى تۇركسىب اۋدانىنداعى كامەلەت جاسىنا تولماعانداردى بەيىمدەۋ ورتالىعىنىڭ عيماراتىن اليمەت تولەمەيتىندەرگە ارنالعان ۇيقاماق رەتىندە پايدالانۋ جونىندە ۇسىنىس جاسادى. ول ءىس جۇزىندە بوس تۇر. 10-15 ادامعا ارنالعان. الماتى اكىمىنىڭ ورىنباسارى بۇل ۇسىنىستى قاراستىرۋعا ۋادە بەردى.
"ادىرنا" ۇلتتىق پورتالى
