Almatyda alıment tóleýden jaltaryp júrgenderdi qamaýda ustaıtyn úı salý josparlanyp otyr. Bul týraly Almaty ákiminiń orynbasary Erlan Áýkenov qoǵamdyq keńestiń otyrysynda aıtty, dep habarlaıdy QazAqparat tilshisi.
«Bizde alıment tólemeıtinderdi 40 kúnge deıin qamaýǵa bolatyn zań bar. Qazir osy máseleni zerttep, anyqtap jatyrmyz. Osydan bir jyl buryn prokýratýranyń bastamasymen Seıfýllın kóshesindegi tergeý ızolıatory jabylǵan bolatyn. Qazir sol ǵımaratty qala menshigine alýdy qarastyryp jatyrmyz», - deıdi E.Áýkenov.
Kezdesý barysynda qoǵamdyq keńestiń músheleri Túrksib aýdanyndaǵy kámelet jasyna tolmaǵandardy beıimdeý ortalyǵynyń ǵımaratyn alımet tólemeıtinderge arnalǵan úıqamaq retinde paıdalaný jóninde usynys jasady. Ol is júzinde bos tur. 10-15 adamǵa arnalǵan. Almaty ákiminiń orynbasary bul usynysty qarastyrýǵa ýáde berdi.
"Adyrna" ulttyq portaly
